Maak hoofkeuseskerm oop
XIIIe Paralimpiese Somerspele
Paralimpiesespele van 2008

Gehou in Beijing, China
Deelnemende lande 146
Deelnemende atlete 4 011 (2 629 mans, 1 382 vroue)
Items 472 in 20 sporte
Openingseremonie 6 September 2008
Sluitingseremonie 17 September 2008
Amptelik geopen deur President Hu Jintao
Atlete-eed (sedert 2012)
Beampte-eed Hao Guohua
Olimpiese vlam Hou Bin
Vorige Spele 2004: Athene (Griekeland)
Volgende Spele 2012: Londen (VK)

Die Paralimpiese Somerspele 2008 (Chinees: 第十三屆残疾人奥林匹克运动会) is tussen 6 en 17 September 2008 in Beijing, Volksrepubliek China, aangebied. Tydens die geleentheid het 4 011 atlete uit 146 nasies aan 472 items in 20 verskillende sportsoorte deelgeneem.[1] Dit was die 13de Paralimpiese Somerspele wat aangebied is.

Die Olimpiese Somerspele 2008 is tussen 8 en 24 Augustus in Beijing gehou.

Inhoud

ToewysingWysig

 
Fu Niu Lele, die gelukbringer van die Paralimpiese Somerspele 2008
 
Kaart van die kandidaatstede vir die Olimpiese Somerspele 2008

As deel van 'n formele ooreenkoms tussen die Internasionale Paralimpiese Komitee en die Internasionale Olimpiese Komitee uit 2001 is die wenner van die bod vir die Olimpiese Somerspele 2008 ook die gasheer vir die Paralimpiese Somerspele 2008.[2] Beijing is op 13 Julie 2001 in Moskou deur die Internasionale Olimpiese Komitee gekies as die gasheer vir die Olimpiese Somerspele in 2008. Dié stad is bo die ander kandidate op die kortlys, naamlik Istanboel (Turkye), Osaka (Japan), Parys (Frankryk) en Toronto (Kanada) gekies.

Die stemming het as volg verloop:

Stemming vir gasheer van die Olimpiese Somerspele 2008[3]
Stad Land Rondte 1 Rondte 2
Beijing   Volksrepubliek China 44 56
Toronto   Kanada 20 22
Parys   Frankryk 15 18
Istanboel   Turkye 17 9
Osaka   Japan 6

FakkelloopWysig

Net soos tydens die "gewone" Spele is 'n fakkel via 'n aflos na die Olimpiese Stadion gedra waar die Olimpiese vlam aangesteek is. Die aflos sou in verskeie lande en deur China plaasgevind het, maar die roete is ingeperk en die internasionale been is gekanselleer as gevolg van die aardbewing wat Sichuan in Mei 2008 getref het. Die besluit is geneem sodat daar op reddingswerk en die slagoffers gefokus kon word.[4]

SporteWysig

 
Boccia tydens die Paralimpiese Somerspele van 2008 in Beijing

20 verskillende sportsoorte is tydens die Paralimpiese Spele beoefen. Roei is vir die eerste keer op die program ingesluit. Die sportsoorte is:

KalenderWysig

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die getal dui op die getal medaljeparades wat die dag gehou is.

 OS  Openingseremonie  ●  Wedstryde  1  Wedstryde met medaljes  SS  Sluitingseremonie
September 6
Sa
7
So
8
Ma
9
Di
10
Wo
11
Do
12
Vr
13
Sa
14
So
15
Ma
16
Di
17
Wo
Items
  5-per-kant sokker 1 1
  7-per-kant sokker 1 1
  Atletiek 10 20 17 10 16 20 18 19 25 5 160
  Bankdruk 3 4 2 3 4 2 2 20
  Boccia 4 3 7
  Boogskiet 4 3 2 9
  Doelbal 2 2
  Fietsry 5 5 7 4 15 4 4 44
  Judo 4 4 5 13
  Roei 4 4
  Rolstoelbasketbal 1 1 2
  Rolstoelrugby 1 1
  Rolstoelskerm 3 3 2 2 10
  Rolstoeltennis 1 3 2 6
  Ruitersport 2 4 3 2 11
  Seil 3 3
  Sitvlugbal 1 1 2
  Skyfskiet 2 2 2 2 2 2 12
  Swem 16 18 16 12 13 16 14 18 17 140
  Tafeltennis 5 11 4 4 24
Seremonies OS SS
Totaal 0 27 41 61 46 45 52 49 56 51 36 8 472
September 6
Sa
7
So
8
Ma
9
Di
10
Wo
11
Do
12
Vr
13
Sa
14
So
15
Ma
16
Di
17
Wo
Items

Deelnemende nasiesWysig

Hier volg 'n alfabetiese lys van al die Nasionale Paralimpiese Komitees wat deelgeneem het. Waar beskikbaar word die getal atlete per land in hakies aangedui:

Suid-Afrikaanse deelnameWysig

 
Iran teen Suid-Afrika in rolstoelbasketbal tydens die Paralimpiese Somerspele 2008
 
Natalie du Toit (middel), saam met die Australiese swemmers Annabelle Williams en Ellie Cole, nadat hulle tydens die Paralimpiese Somerspele 2008 in Beijing medaljes gewen het
 
Oscar Pistorius in die Beijing Nasionale Stadion tydens die Paralimpiese Somerspele 2008

Die Suid-Afrikaanse Paralimpiese span van 59 atlete het op Vrydag, 29 Augustus 2008 na Beijing vertrek. Die span het 35 medaljes tydens die vorige Spele in 2004 verower en in die 13de posisie geëindig.

Natalie du Toit kon nie aan die 100 m-rugslag deelneem nie aangesien die Suid-Afrikaanse sportvereniging vir liggaamlik gestremdes (SASVLG) haar te laat vir die item geregistreer het.[5]

Soos tydens die Olimpiese Spele, het Natalie du Toit weer die Suid-Afrikaanse vlag tydens die openingseremonie in die Beijing Nasionale Stadion ingedra. Dit maak haar die eerste atleet in die moderne geskiedenis wat die eer gehad het om tydens beide geleenthede as vlagdraer op te tree.[6]

Natalie du Toit het ook Suid-Afrika se eerste medalje verower toe sy op die eerste dag van die Spele 'n goue medalje tydens die 100 m-vlinderslag ingepalm het.

Na die tweede dag is Suid-Afrika in die vyfde posisie. Medaljes vir die dag:

Medaljes vir die derde dag:

Vierde dag (Woensdag, 10 September):

Vyfde dag (Donderdag, 11 September):

  • Natalie du Toit (derde goue medalje vir wisselslag en 'n wêreldrekord)

Sesde dag (Vrydag, 12 September):

Sewende dag (Saterdag, 13 September):

  • Oscar Pistorius (tweede goud vir 200 m-naelloop)
  • Hilton Langenhoven (goud vir verspring)
  • Shireen Sapiro (goud vir 100 m-rugslag)
  • Riaan Nel (silwer vir fietsry)
  • Tebogo Mokgalagadi (brons in 100 m-naelloop)

Agtste dag (Sondag, 14 September):

  • Natalie du Toit (vyfde goue medalje vir 50 m-vryslag)
  • Ernst van Dyk (goud vir fietsry)

Negende dag (Maandag, 15 September):

  • Geen.

Tiende dag (Dinsdag, 16 September):

  • Fanie van der Merwe (goud)
  • Fanie Lombard (goud)
  • Oscar Pistorius (goud)
  • Hylton Langenhoven (goud)
  • Ilse Hayes (silwer)

Laaste dag (17 September):

  • Ernst van Dyk (brons vir atletiek)

In totaal verdien Suid-Afrika 30 medaljes (21 goud, 3 silwer en 6 brons) en eindig in die sesde plek. Hoewel Suid-Afrika 5 minder medaljes as in 2004 verower het, stoot die verhouding van goud tot die totale getal medaljes SA op van 'n 13de na die 6de posisie op die wêreldranglys.

Getal medaljesWysig

Hier is die voorste tien lande wat medaljes tydens die Spele verower het.

 Plek  Land  Deelnemers   Goud   Silwer   Brons Totaal
1   Volksrepubliek China (CHN) 332 89 70 52 211
2   Verenigde Koninkryk (GBR) 212 42 29 31 102
3   Verenigde State (USA) 213 36 35 28 99
4   Oekraïne (UKR) 78 24 18 32 74
5   Australië (AUS) 167 23 29 27 79
6   Suid-Afrika (RSA) 21 3 6 30
7   Kanada (CAN) 143 19 10 21 50
8   Rusland (RUS) 18 23 22 63
9   Brasilië (BRA) 188 16 14 17 47
10   Spanje (ESP) 133 15 21 22 58

Sien ookWysig

VerwysingsWysig

  1. (en) "IPC Historical Results Archive". Internasionale Paralimpiese Komitee. Besoek op 22 Januarie 2018. 
  2. (en) "Paralympics 2012: London to host 'first truly global Games'". BBC. Besoek op 22 Januarie 2018. 
  3. (en) "Past Olympic Host City Election Results". GamesBids. Besoek op 22 Januarie 2018. 
  4. (en) "International torch relay for Beijing Paralympic Games cancelled", Xinhua, 25 Junie 2008
  5. (af) Nóg 'n Beijing-blaps, Beeld, besoek op 6 September 2008
  6. (en) "Africa | Amputee to fly SA's Olympic flag". BBC News. 8 Augustus 2008. Besoek op 13 September 2016. 

Eksterne skakelsWysig