Finsch-diamantmyn
diamantmyn
Die Finsch-diamantmyn is sowat 65 km oos van Postmasburg naby Danielskuil geleë. Die diamantpyp is ontdek deur 'n boer, A.T. Fincham, wat saam met sy vennote hulle regte in 1963 aan De Beers verkoop het vir R4,500,000. Die diamantpyp dek ongeveer 42 akkers. Die myn is sedert sy opening in 1967 as 'n oopgroefmyn bewerk, maar vanaf 1978 is twee skagte gesink om ondergrondse aktiwiteite te begin. Die myn was 630 m diep in 2014.
Op 14 September 2011 het die Suid-Afrikaanse maatskappy Petra Diamonds die myn by De Beers gekoop.
