Fokker F27 Friendship

Nederlandse passasiersvliegtuig

Die Fokker F27 Friendship is 'n turboskroef-aangedrewe passasiersvliegtuig wat ontwikkel en vervaardig is deur die Nederlandse maatskappy Fokker. Dit is die vliegtuig waarvan die meeste in Nederland vervaardig is na die Tweede Wêreldoorlog; dit is ook een van die mees suksesvolle vliegtuie van Europa in sy era.

Fokker F27 Friendship
'n F27 Friendship van die Amerikaanse valskermspan
Tipe Passasiersvliegtuig
Vervaardiger Fokker
Nooiensvlug 24 November 1955
Bekendstelling 19 November 1958
Status Aktief, word nie meer vervaardig nie.
Vervaardig 1955–1987
Aantal gebou 586
Eenheidskoste -500: VS$1,6 miljoen (1972)[1]
Weergawes Fokker 50

Daar is in die vroeë 1950's met die ontwikkeling van die vliegtuig begin met die doel om suierenjinaangedrewe vliegtuie soos die Dakota te vervang. Daar was gou besluit om die Rolls-Royce Dart turboskroefmotor te gebruik; kenmerkend van hierdie motor was die minder vibrasies en lawaai wat 'n verbeterde omgewing vir die pasassiers verseker. Die kajuit het ook oor drukreëling beskik. Die nuutste vervaardigingsmetodes op daardie tyd is gebruik vir die konstruksie van die vliegtuig.

Die vliegtuig het sy nooiensvlug op 24 November 1955 voltooi en op 19 November 1958 bekendgestel. Kort hierna is die vliegtuig beskou as 'n kommersiële sukses. Fairchild Aircraft van Amerika het ook die vliegtuig onder lisensie vervaardig. Hulle het later, onafhanklik van Fokker, 'n langer weergawe van die vliegtuig ontwerp en bemark as die Fairchild FH-227. Gedurende die 1980's het Fokker die Fokker 50 uit die F27 ontwikkel wat dit vervang het.

Verwysings wysig

  1. "Airliner price index". Flight International. 10 Augustus 1972. p. 183. Geargiveer vanaf die oorspronklike op 9 Januarie 2018. Besoek op 9 Januarie 2018.

Eksterne skakels wysig