Fort Dacres
Fort Dacres is een van 'n aantal forte wat tydens die Kaapse grensoorloë van 1779 tot 1877 deur die Britse bewindhebbers in die Kaapkolonie in die Oos-Kaap gebou is.
Tydens die Oorlog van die Byl (die Sewende Grensoorlog, 1846-1847) het die Britse weermag gesukkel om die ongeveer 14 000 man in die veld van voedselvoorrade te voorsien. Boonop het 'n ernstige droogte geheers en is probleme ondervind om aan die perde voer te verskaf.
Die Britse Vloot het die probleem aansienlik verlig deur 'n vasmeerplek te bou in die Waterloobaai, 1½ km oos van die mond van die Groot-Visrivier. Van hier af was dit slegs 35 km na Fort Peddie en kon ook Grahamstad makliker bevoorraad word. Matrose van die oorlogskip President het daar 'n klein fortjie gebou sodat hulle maklik oor die skepe en die aflaai van die voorraad toesig kon hou. Dit is vernoem na skout-admiraal James Richard Dacres, bevelvoerder van die Kaapse vlootbasis.
Bibliografie
wysig- Standard Encyclopaedia of Southern Africa, deel 4. Kaapstad: Nasou, 1971. ISBN 0-625-00320-9