Foskor
Foskor (Fosfaatontginningskorporasie) is 'n Suid-Afrikaanse produsent van die kunsmis superfosfaat.
Vir die verkryging van ‘n mielie- en koringoes van ‘n goeie gehalte moet dit verbou word op grond met ‘n hoë fosfaatinhoud. Helaas is Suid-Afrika se grond juis arm aan fosfaat en daarom is fosfaat vir bemestingdoeleindes uit Noord-Afrika ingevoer.
By Phalaborwa is ‘n vulkaniese pyp van ongeveer 18 km², wat ryk is aan rotsfosfaat, ontdek. In 1951 het die NOK (Nywerheidsontwikkelingskorporasie) ‘n miljoen pond beskikbaar gestel om die staatskorporasie Foskor te stig, om die land onafhanklik van die invoer van fosfaat te maak. Later is Foskor geprivatiseer.
Die fosfaat word gemyn volgens die oopgroefmetode. Die beskikbare hoeveelheid is soveel dat dit blykbaar nog vir eeue in die aanvraag van die land se landbou sal kan voldoen. Neerslae van verskeie ander minerale kom ook volop in die gebied voor. Koper word deur Palamine gemyn. Vanaf die myn by Phalaborwa word die erts per spoor na die verwerkingsaanleg by Richardsbaai vervoer. Daar word die rotsfosfaat tot kunsmis, fosforsuur, swawelsuur en magnetiet verwerk.
Phalaborwa het weens sy mynbedrywighede ontstaan. Die Foskor-mynmuseum is ook op die dorp.
Eksterne skakel
wysigBibliografie
wysig- www.foskor.co.za