Frédéric Bastiat
Claude Frédéric Bastiat (* 30 Junie 1801;[1] † 24 Desember 1850) was 'n Franse klassieke liberale filosoof, ekonoom en lid van die Franse parlement. Hy is veral bekend as die skepper van die belangrike ekonomiese beginsel genaamd geleentheidskoste.
| Claude Bastiat | |
| |
| Geboortenaam | Claude Frédéric Bastiat |
|---|---|
| Gebore | 30 Junie 1801 Bayonne, Frankryk |
| Oorlede | 24 Desember 1850 (op 49) Rome, Kerklike Staat |
| Nasionaliteit |  Frankryk
|
| Vakgebied | klassieke liberale teorieë, politieke ekonomie |
| Beïnvloed deur | Richard Cobden, Adam Smith, Jean-Baptiste Say |
| Invloed op | Arthur Latham Perry, Gustave de Molinari, Ludwig von Mises, Henry Hazlitt, Ron Paul, Thomas Sowell |
BiografieWysig
Bastiat is op die 30ste Junie 1801 gebore in Bayonne, Akwitanië, 'n hawedorp langs die Golf van Biskaje, in die suide van Frankryk. Sy pa, Pierre Bastiat, was 'n vooraanstaande sakeman in die dorp. Sy ma is in 1808 oorlede toe Frédéric sewe jaar oud was.[2] Sy pa het kort daarna na Mugron in die binneland getrek en Frédéric het hom kort daarna gevolg. Die Bastiat landgoed in Mugron is tydens die Franse Rewolusie verkry en het voorheen aan die Markies van Poyanne behoort. Met die afsterwe van sy pa in 1810 is Frédéric wees gelaat. Sy oupa aan vaderskant en sy tante aan moederskant, Justine Bastiat, het hom toe aangeneem. Hy het aanvanklik na 'n skool in Bayonne gegaan, maar sy tante het nie van die skool gehou nie en het hom by 'n skool in Saint-Sever ingeskryf? Op sewentienjarige ouderdom het hy skool verlaat om by sy oom se uitvoeronderneming te gaan werk.
VerwysingsWysig
- ↑ Mark Thornton (2011-04-11) Why Bastiat Is Still Great, Mises Institute
- ↑ Roche III, George Charles (1971). Frédéric Bastiat: A Man Alone. New Rochelle, New York: Arlington House. ISBN 0-87000-116-7.
Eksterne skakelsWysig
Wikimedia Commons het meer media in die kategorie Frédéric Bastiat.
