François Sagat (gebore op 5 Junie 1979) is ’n Franse gay porno-akteur, model en regisseur wat ook al in hoofstroommedia verskyn het. Hy is veral bekend vir sy rowwe voorkoms en die haartatoe oor sy hele kop.[3][4]

François Sagat
'n Beeld van die betrokke persoonlikheid.
Sagat in 2009 op die Folsomstraat-fees.

Alias Azzedine
Geboorte 5 Junie 1979 (1979-06-05) (44 jaar oud)
Cognac, Frankryk
Nasionaliteit Frans
Beroep(e) Pornoster
Rolprente Arabesque, Saw VI, Man at Bath, L.A. Zombie, François Sagat's Incubus
Webwerf www.francoissagat.com
Toekennings David-prys vir beste Europese akteur (2006)[1][2]
GayVN-prys vir beste akteur (2007)
Internet-rolprentdatabasis-profiel

Loopbaan wysig

 
Sagat deel handtekeninge uit.

Op 25-jarige ouderdom is Sagat deur die Franse pornografie-ateljee Citébeur in diens geneem. ’n Paar weke later het hy onder die skuilnaam Azzedine in sy eerste volwassefliek gespeel.[3] Dit was ’n kitstreffer en hy het besluit om porno ’n voltydse loopbaan te maak.

Ná verskeie flieks by Citébeur onder die naam Azzedine, is hy na Amerika genooi en het hy daar in die pornoprent Arabesque deur Raging Stallion verskyn[3] onder sy geboortenaam, François Sagat. Hy het tot in 2006 by Raging Stallion gebly en in 2007 ’n ekslusiewe pornoster vir Titan Media geword. Hoewel hy veral vir sy gay prente bekend is, het hy ook ’n paar biseksuele tonele gedoen, veral in die prent Gay Arab Club.

Sagat het ook as modemodel opgetree en sedert 2009 in hoofstroomprente soos Saw VI (2009), Man at Bath (2010) en L.A. Zombie (2010) verskyn. In laasgenoemde vertolk hy die rol van ’n daklose skisofreen wat dink hy is ’n zombie van ’n ander planeet wat na die aarde gestuur is. Hy swerf deur die strate van Los Angeles en probeer die dooies deur homoseksuele seks lewend maak.[5] Beide L.A. Zombie en Man at Bath se première was in 2010 op die Internasionale Locarno-rolprentfees in Switserland, en Sagat was die enigste akteur in die hoofrol van twee kompetisie-inskrywings op die fees.[6]

In 2011 het hy die François Sagat's Incubus-volwassefliekreeks begin regisseer en vervaardig. In dieselfde jaar het hy verskyn in die fliekreeks François Sagat: The New Leading Man, wat by die Museum vir Kuns en Ontwerp in New York aangebied is. Benewens die wys van sy pornografiese en niepornografiese rolle, het die reeks ’n meestersklas deur Sagat ingesluit oor sy benadering tot toneelspel.[7][8][9][5]

Tatoes wysig

 
Sagat in die hoofrol van L.A. Zombie (2010).

Sagat is bekend vir die tatoeëermerk wat oor sy hele kop strek.[10] In ’n onderhoud het hy verduidelik sy hare het begin min raak en hy het gevoel sy kop is te lank en uit proporsie. Hy het toe die tatoe gekry om sy kop meer simmetries te laat lyk.[4][10]

Hy het nog ’n buitengewone tatoe, die kombinasie van ’n sekelmaan en ster wat op sommige Arabiese lande se vlag voorkom. Hy het verduidelik hy hou van Arabiese mans en sy tatoe is ’n eerbewys aan dié mense en die kulture wat hy bewonder en respekteer.[10]

Hy het ’n derde tatoe, aan sy linkerarm, met sy van in Griekse letters ΣΑΓΑΤ (lees SAGAT).

Bemarking, mode en musiek wysig

Sagat is aktief op sy blog,[11] waar hy sy skeppingsvermoë op uiteenlopende en intieme maniere verken. Benewens promosiemateriaal, publiseer hy sy kunswerke, intieme blikke op sy persoonlike lewe, video's oor verskeie onderwerpe en persoonlike weergawes van liedjies. Daar is Sagat-speelgoed beskibaar, onder meer ’n dildo wat werklik van sy penis af gevorm is met realistiese are, eikel en voorhuid.[12]

Sagat is ook betrokke by mode,[13] onder meer ’n reeks François Sagat Classics-drag.[14] en werk saam met die Franse etiket Fade. Verder is hy die skepper van erotiese kuns.[15] In 2013 het Sagat sy eie aanlyn modereeks van straatdrag, sportdrag, onderklere en bykomstighede met die naam KICKSAGAT aangekondig in samewerking met sy werkvennoot PH. Sagat het alles ontwerp.

Uittrede wysig

In 2013 het Sagat ’n kort swart-en-wit video uitgereik waarin hy sy uittrede uit porno aankondig.[16][17] Die reeks Incubus van twee jaar tevore was sy laaste rolprente.[17]

Verwysings wysig

  1. Lawrence, Doug (1 November 2006). "Europe's David Awards Commence". AVN. Geargiveer vanaf die oorspronklike op 2 Februarie 2014. Besoek op 28 Junie 2013.
  2. Remington, Chad (23 Oktober 2007). "Controversy Erupts at David Awards". AVN. Geargiveer vanaf die oorspronklike op 2 Februarie 2014. Besoek op 30 Junie 2013.
  3. 3,0 3,1 3,2 Evers, Rob (6 September 2007). "François Sagat: The Man Behind the Mask Part 1". Beautiful Mag (in Engels). Geargiveer vanaf die oorspronklike op 24 Oktober 2019. Besoek op 13 Julie 2006.
  4. 4,0 4,1 Mikey (7 September 2007). "Starr Profile: Francois Sagat". Starrfucker (Jeremy Lucido) (in Engels). Geargiveer vanaf die oorspronklike op 31 Desember 2010. Besoek op 9 September 2006.
  5. 5,0 5,1 LaCroix, Ethan (24 Oktober 2011). "Franois Sagat". Time Out (in Engels). New York: Time Out Group Limited. Geargiveer vanaf die oorspronklike op 10 September 2018. Besoek op 25 Januarie 2014.
  6. Eye Weekly: Swiss Choice Geargiveer 10 Julie 2011 op Wayback Machine
  7. "Francois Sagat, Gay Porn Star And Actor, To Give Master Class At Museum Of Arts And Design (MAD) In NYC". Huffington Post. Besoek op 5 Augustus 2015.
  8. Shavarebi, Jordan. "Gay Porn Star Francois Sagat Gets U.S. Museum Retrospective". Out.com (in Engels). Here Media Inc. Geargiveer vanaf die oorspronklike op 10 September 2018. Besoek op 5 Augustus 2015.
  9. Thompson, Joe. "Porn Star François Sagat Gets U.S. Museum Exhibition". gay.net (in Engels). Here Media Inc. Geargiveer vanaf die oorspronklike op 24 September 2015. Besoek op 5 Augustus 2015.
  10. 10,0 10,1 10,2 Evers, Rob (7 September 2007). "François Sagat: The Man Behind the Mask Part 2". Beautiful Mag (in Engels). Geargiveer vanaf die oorspronklike op 17 Desember 2017. Besoek op 14 Julie 2006.
  11. "Inskrywings in sy persoonlike blog op sy amptelike webtuiste". Geargiveer vanaf die oorspronklike op 14 Oktober 2017. Besoek op 15 Oktober 2017.
  12. "Toys For Big Boys". Francois Sagat (amptelike webtuiste) (in Engels). 2 Desember 2011. Geargiveer vanaf die oorspronklike op 13 September 2019. Besoek op 25 Januarie 2014.
  13. "François Sagat for Bernhard Willhelm". Geargiveer vanaf die oorspronklike op 29 September 2011. Besoek op 15 Oktober 2017.
  14. "CatchFire: François Sagat Classics (V): Bernhard Willhelm SS 2008". Geargiveer vanaf die oorspronklike op 19 Januarie 2011. Besoek op 15 Oktober 2017.
  15. "Interview magazine: Francois Sagat, Uncut – an interview by Thomas Persson". Geargiveer vanaf die oorspronklike op 24 November 2010. Besoek op 15 Oktober 2017.
  16. "Francois Sagat Says Adieu to Porn". Queerty. 14 Mei 2013.
  17. 17,0 17,1 "Francois Sagat Opens Up on Gay Porn Suicides And Why He Quit The Business" (in Engels). Queerty. 30 Mei 2014. Geargiveer vanaf die oorspronklike op 29 Julie 2017. Besoek op 9 Maart 2014.

Eksterne skakels wysig