George Pomeroy Colley

Sir George Pomeroy Colley (1 November 1835 – 27 Februarie 1881) was 'n Britse soldaat en Goewerneur van Natal. Hy het tydens die Eerste Anglo-Boereoorlog teen ’n Boeremag onder kmdt.genl. Piet Joubert in die Slag van Amajuba gesneuwel. Die dorp Pomeroy in KwaZulu-Natal is na hom vernoem.

George Pomeroy Colley
Geboortedatum	1 November 1835
Sterfdatum	27 Februarie 1881 (45 jaar oud)
Sterfplek	Majuba Hill, Suid-Afrika
Lojaliteit	Verenigde Koninkryk
Diens/Tak	Britse leër
Rang	Generaal-majoor
Veldslae/oorloë	Derde Anglo-Ashanti-oorlog Anglo-Zoeloe-oorlog Eerste Vryheidsoorlog Slag van Laingsnek Slag van Ingogo Slag van Majuba
Toekennings	Knights Commander of the Order of the Star of India
Ander werk	Goewerneur van Natal

Lewensloop

George Pomeroy Colley is op 1 November 1835 van Ierse ouers gebore. Hy sluit in 1852 as 'n vaandrig by die leër aan en word later na die Kaap gestuur. Hier word hy as 'n landdros aan die grens gestasioneer. Hy doen ook karterings- en opmetingswerk vir die leër. Hy besoek Natal en die Transvaal vir die tweede keer in 1875. Hy word stafhoof onder lord Chelmsford in 1979 met die uitbreek van die Anglo-Zoeloe-oorlog en generaal-majoor in 1880. In dieselfde jaar word hy Goewerneur van Natal en moet hy die Boere-inval uit Transvaal na die uitbreek van die Eerste Vryheidsoorlog trotseer. Hy ondervind 'n reeks terugslae en word tydens die Slag van Laingsnek in Januarie 1881 verslaan. Om te vergoed vir die terugslag beset hy die kruin van die koppie Amajuba. Die koppie word op 26 Februarie 1881 deur die Boere aangeval tydens die Slag van Majuba, waartydens Colley sneuwel.