1852

Die jaar 1852 was 'n skrikkeljaar wat volgens die Gregoriaanse kalender op 'n Donderdag begin het. Dit was die 52ste jaar van die 19de eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• Stigting van Hopefield (Saldanhabaai Plaaslike Munisipaliteit, Wes-Kaap)
• 17 Januarie – Die Sandrivierkonvensie word onderteken waardeur die Zuid-Afrikaansche Republiek onafhanklik word.
• 25 Februarie – HMS Birkenhead, 'n Britse troepeskip, vergaan by Danger Point aan die Suidwes-Kaapse kus met 'n groot verlies aan lewens. Die skip verwerf bekendheid vir die tradisie van "vroue en kinders eerste".

Geboortes

• 23 Maart – Alfred Milner, goewerneur van die Kaapkolonie en lid van die Britse kabinet († 1925).
• 25 Junie – Antoni Gaudi, Spaans-Katalaanse argitek († 1926).
• 30 Augustus – Jacobus Henricus van 't Hoff, Nederlandse fisiese chemikus († 1911).
• 6 September – Schalk Willem Burger, Transvaalse politikus en waarnemende president († 1918).
• 12 September – Herbert Henry Asquith, liberale Britse politikus en eerste minister († 1928).
• 24 September – Elizabeth Maria Molteno, Suid-Afrikaanse kampvegter vir burger- en vroueregte († 1927).
• 28 September – Henri Moissan, Franse chemikus, apteker en Nobelpryswenner († 1907).
• 2 Oktober – Curt von François, die stigter van Windhoek († 1931).
• 2 Oktober – William Ramsay, Skotse chemikus en Nobelpryswenner († 1916).
• 9 Oktober – Emil Fischer, Duitse chemikus en Nobelpryswenner († 1919)
• 24 Desember – Carl George Klibbe, Stigter en Apostel van die Ou Apostoliese Kerk († 21 Mei 1931).

Sterftes

• 13 Januarie – Fabian Gottlieb von Bellingshausen. As bevelvoerder van die tweede Russiese om-die-wêreldvaart word hy een van drie mense om Antarktika vir die eerste keer waar te neem (* 1778).
• 10 Februarie – Samuel Prout, Engelse waterverfskilder (* 1783).
• 28 Julie – Andrew Jackson Downing, Amerikaanse landskapsontwerper, tuinboukundige en skrywer (* 1815).
• 14 September – Arthur Wellesley, 1ste hertog van Wellington, Britse generaal en staatsman, Eerste Minister van die Verenigde Koninkryk (* 1769).
• 27 November – Ada Lovelace, Britse wiskundige en skryfster (* 1815).
• 16 Desember – Andries Hendrik Potgieter, leier van die tweede groot trekgeselskap wat die Kaapkolonie verlaat het (* 1792).