Gamkapoortdam

Die Gamkapoortdam is in die Gamkarivier in die Karoo.

Gamkapoortdam
Amptelike naam	Gamkapoortdam
Ligging	naby Prins Albert
Provinsie/Land	Wes-Kaap, Suid-Afrika
Koördinate	33°16′56.2″S 21°39′45.9″O
Dam in	Gamkarivier
Doel	Besproeiing en huishoudelik
Eienaar	Departement van Waterwese en Bosbou
Soort dam	Gravitasiedam
Hoogte van wal	42 m
Lengte van wal	213 m
Reservoir	Gamkapoortdam
Kapasiteit	54 000 m³
Opvanggebied	17 055 km²
Damoppervlak	620 ha

Ligging

Die dam lê afgeleë Dit kan bereik word via die Bosluiskloofpas wat na oos wegdraai aan die noordekant van die Seweweekspoort. Hierdie pad was voor die bou van die dam die roete tussen Laingsburg en Prins Albert, maar die damwater het hierdie roete versper. Die dam lê tussen die Gamka-natuurreservaat, Towerkop-natuurreservaat, Groot Swartberg-natuurreservaat en Die Hel-natuurreservaat. Die wal is by 33° 16′ 56,2″ suid en 21° 39′ 45,9″ oos, dit is 2 km suid van die aansluiting van die Dwykarivier by die Gamka, en waar die Gamka deur die Swartberge gaan. Net voor die dam sluit twee klein riviere, die Elandskloofrivier en die Kerksrivier by die Gamka aan en loop ook water uit die Bosluiskloof in die dam.

Dam

Hierdie swaartekragtipedam is in 1969 gebou met vloedbeheer as hoofdoel. Dit het toe ‘n bakmaat gehad van 57 miljoen m³. Weens toeslikking het dit stadig afgeneem en staan tans op 36,3 miljard liter. Die wal is 42 m hoog en 213 m lank, het ‘n opvanggebied van 17 055 km² en ‘n vol dam skep ‘n wateroppervlakte van 6 km².

Let wel

Die dam moet nie verwar word met die Gamkadam, die Leeu-Gamkadam en die Springfonteindam nie.

Sien ook

• Lys van grootste damme in Suid-Afrika