Meinhard Peters

Gebruiker:Meinhard Peters, vertel ons 'n bietjie van jou self hier asb! Groete! Oesjaar (kontak) 06:06, 10 Februarie 2020 (UTC)

• Dankie vir die aanvoorwerk, Oesjaar. Ek het al in die verlede enkele plasings gedoen; maar ek hervat nou weer na afloop van die werkwinkel by die SA Akademie. Dit was die inspirasie. Ek sal mettertyd hier bietjie meer oor myself inskryf. Op die oomblik wonder ek oor die gebruikernaam, wat aanvanklik my volle naam was. Ek het so pas in my voorkeure 'n bynaam gekies en wonder of die gebruikerblad se titel hier sal verander. Ek het nie 'n probleem om bekend te staan onder my doopnaam nie; maar ek merk op dat ongeveer 99% vd gebruikers wel 'n bynaam gebruik. Na sorgvuldige oorweging, en nadat heelwat opsies afgeskiet is, het ek die bynaam Albatros gekies; ons sal moet sien of dit werk. Die idee is dat ek wyd swerf, na ver plekke en ver lande (in die verbeelding meestal); dat ek ander verdwaalde skepe op die oopsee opsoek; en ek aas waar viskos op die oppervlakte verskyn. Dit is min of meer die metafoor; nie die spreekwoordelike albatros om die nek met sy negatiewe konnotasies nie; miskien dit ook?
• Ek wonder nou ook hoe ek subhofies gaan skep; en ek het terloops ook gaan kyk hoe verwysings aangegee word. Daar is heelwat wenke, en ek is maar bang om dom vrae te vra. Ek gebruik nou koeëlpunte; maar sal bv hofies wil skep soos in 'n gewone CV.
• In die Geselshoekie het ek 'n vraag oor "kategorieë" gevra; en sal dit opvolg, sodra ek terugvoer kry.
• AGTERGROND: In baie kort -- my universiteitsopleiding was in Bedryfsingenieurswese, van B-graad tot Honneursvlak; dit was ook my beroepsveld. Soos dit met die meeste ingenieurs gaan, het ek in die bestuurswêreld beland en later 'n MBA-graad behaal. In my werk het ek dikwels opleidingskursusse geskryf; en as dosent natuurlik lesingmateriaal uitgewerk in die vakke wat ek doseer het. Ek was agtereenvolgens betrokke by die Univ van Pretoria, die Universiteit van die Witwatersrand, Randse Afrikaanse Universiteit en die Universiteit van Johannesburg. Die afgelope agt jaar was ek by die Universiteit van Pretoria betrokke as deeltydse dosent in Organisasiegedrag en Leierskap; asook in die Department van Bedryfsingenieurswese.
• Buite my formele beroepswerk, skryf ek al vir baie jare oor kultuursake, geskiedenis, politiek en ekonomiese kwessies. Ek het 'n lewendige belangstelling in die beeldende kunste, musiek, digkuns, en fotografie. Ek stel baie belang in die potensiaal van die internet as opvoedingskanaal, en het al sulke projekte beplan en uitgevoer: Ek het byvoorbeeld 'n kursus oor joernalistiek vir beginners aangebied. Daaruit het ek ook geleer van die beperkings van afstand-onderrig en van die praktiese uitdagings rondom bemarking. As ek so na myself luister is ek nogal geïntereseerd in opleiding en leerprosesse. Ek geniet dit om kennis oor te dra; en daarom interesseer Wikipedia my ook.
• [Word vervolg; ek sal in die toekoms hierdie teks wysig en oorskryf] 10 Februarie 2020.