Willie B

Veranderinge in Afrikaans

Die hoofkwessie in verband met die ontstaan van Afrikaans is nie soseer die woordeskat nie (en die basiese woordeskat is nie deur Swart tale beïnvloed nie), maar die taalverandering - dit wil sê taalversteuring - aan die Kaap. Die inleiding se teks is nog 'n bietjie gemik op nie-Afrikaanssprekendes - ons weet tog almal dat die taal ongeag sy naam geen Afrika- / Swart /Bantoetaal is nie (ek moet altyd vir Europeërs en Amerikaners verduidelik dat ek nie in staat is om 'n eg "Swart" Afrika-taal te praat nie sodra hulle die woord "Afrikaans" gehoor het - baie mense dink dit is iets soos Swahili of so).

Net soos in die geval van Middel-Engels, wat onder sterk Franse en Skandinawiese invloed gekom het, was daar tenminste een of twee tale aan die Kaap wat op een of ander manier só 'n groot invloed op die gebruik van Nederlands uitgeoefen het dat dit tot Afrikaans, 'n isolerende taal, verander het. Anders sou ons almal nog een of ander variant van Nederlands praat. --Voyageur 15:31, 9 Maart 2008 (UTC)

Julle het seker gesien die artikel begin nou met Afrikaans se posisie in die Germaanse taalfamilie - ek het ook die klem op al die verskillende tale in die inleiding verminder sodat dit nie 'n lang lys begin word nie. laurens 16:16, 9 Maart 2008 (UTC)

Ek is heel tevrede met die veranderinge , dit skep `n meer akkurate beeld vir die lesers . Kan julle dalk help om die landsvlag vir namibië op te sit , ook `n prent wat die Suidelike halfrond uitbeeld soos in die Engelse weergawe . Dankie vir die goeie werk.

prof.--Willie B 07:30, 10 Maart 2008 (UTC)