Geelgesiggie

'n Geelgesiggie (of Yellow pansy soos dit in Engels bekend staan), is 'n vlinder, Junonia hierta, en behoort tot die familie van Vierpootskoenlappers (Nymphalidae).

Geelgesiggie
Mannetjie
Wyfie
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Arthropoda
Klas:	Insecta
Orde:	Lepidoptera
Familie:	Nymphalidae
Genus:	Junonia
Spesie:	J. hierta
Binomiale naam
Junonia hierta (Fabricius, 1798)
Sinonieme
Precis hierta Papilio hierta Fabricius, 1798 Papilio lintingensis Osbeck, 1765 Junonia cebrene Trimen, 1870 Precis oenone var. cebrene ab. demaculata Neustetter, 1916 Precis oenone var. sudanica Schultze, 1920 Junonia oenone f. aeolus Stoneham, 1965 Junonia oenone f. conjuncta Stoneham, 1965 Junonia paris Trimen & Bowker, 1887

Voorkoms

Die vlerkspan van die wyfie is 40-45 mm en dié van die mannetjie is 40-50 mm. Die mannetjie se bovlerk is heldergeel en swart, met 'n groot helderblou kol in die swart area van die agtervlerk. Die ondersy van die voorvlerk is liggeel en die agtervlerk is grysgeel aan die ondersy. Die wyfie is soortgelyk, hoewel haar kleure dowwer, en die blou kol op die agtervlerk kleiner is.

Verspreiding

Die skoenlapper is 'n savanne-spesies met migrasievermoë, en een van die mees wydverspreide vlinders in Afrika, waarskynlik teenwoordig in al die Afrika-lande. Dit word ook in die suide van Arabië, Indië en Suidoos-Asië aangetref, maar aldaar in subspesies wat duidelik verskil.

Habitat

Droë en vogtige savanne asook subtropiese en droë tropiese grasveld.

Sien ook

• Alfabetiese lys van Suid-Afrikaanse vlinders