Geelbekeend

Die geelbekeend (Anas undulata) is 'n algemene standvoël in Suidelike-Afrika.

Geelbekeend
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Genus:	Anas
Spesie:	A. undulata
Binomiale naam
Anas undulata Dubois, 1839
Subspesies
Sien teks

Identifikasie

Die eende is grys met 'n donkerder kop en 'n heldergeel snawel. Die snawel het 'n swart kol in die middel. Die vlerke is witterig aan die onderkant, en van bo gesien vertoon wit-begrensde groen hoofvere.

Habitat

Hierdie eend verkies vars water in redelik oop gebied.

Broeigewoontes

Hulle broei op die grond in digte plantegroei naby water. 'n Broeisel bestaan normaalweg uit ses tot twaalf eiers.

Dieet

Die geelbekeend is 'n plantvreter en 'n dageend, d.w.s. hy is bedags aktief.

Verspreiding

Hulle is baie volop en vorm soms groot swerms wat wydverspreid is in Suid-Afrika en Oos-Afrika.

Geluid

Die manlike eend uiter 'n fluitgeluid en die vroulike eend 'n kwêk-geluid.

Subspesies

• A. u. rueppelli
• A. u. undulata

Ander name

• Engelse naam: Yellow-billed Duck
• Wetenskaplike naam: Anas undulata

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• KENNIS,  vol 14, 1980, bl. 2898-2899,  ISBN 0 7981 0836 3