Geelpenssuikerbekkie

Die geelpenssuikerbekkie (Cinnyris venustus) is 'n algemene standvoël in boomveld, woudrande, plantasies en tuine. Die voël is 11 cm groot en weeg 6 - 10 gram. In Engels staan die voël bekend as die Variable sunbird of yellow-bellied sunbird.

Geelpenssuikerbekkie
Geelpenssuikerbekkie in die Manyarameer Nasionale Park.
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Nectariniidae
Genus:	Cinnyris
Spesie:	C. venustus
Binomiale naam
Cinnyris venustus (Shaw, 1799)

Identifikasie

Die geelpenssuikerbekkie is 'n redelik algemene standhoudende broeier in ekwatoriale Afrika. Twee eiers word in 'n hangende nes in 'n boom gelê. Hierdie spesie word in oop bosveld en gewasverbouing aangetref.

Geelpenssuikerbekkies is klein, slegs 10 cm lank. Hulle het medium-lengte dun afgeboë snawels en buisvormige tonge met 'n borselpunt, albei aanpassings vir hul nektarvoeding.

Die volwasse mannetjie het 'n blinkgroen kop, keel en nek, en 'n maroen borsband. By die meeste subspesies is die pens van die mannetjie geel, maar by 'n paar is dit oranje of wit. Die wyfie het 'n grysbruin rugkant en gelerige borskant, en 'n duidelike ligte supercilium. Die niebroeiende mannetjie lyk soos die wyfie, maar vertoon 'n bietjie groen, veral op die keel. Die roep is 'n duidelike tew-tew-tew-tew-tew.

Galery

• 
  Mannetjie
• 
  Wyfie in Tanzanië
• 
  Mannetjie C. v. venustus, Gambië
• 
  Jongeling C. v. venustus, Gambië
• 
  Mannetjie C. v. falkensteini, Kenia
• 
  Wyfie C. v. falkensteini, Kenia

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7