Geelslang

Die Geelslang (Naja nivea) is 'n slang wat voorkom in die Wes-Kaap, Noord-Kaap, Vrystaat en Oos-Kaap. Die slang word ook die koperkapel of Kaapse kobra genoem.

Geelslang
'n Goudbruin, nagaktiewe individu by die Nossobrivier, Kgalagadi-vredespark
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Reptilia
Orde:	Squamata
Suborde:	Serpentes
Familie:	Elapidae
Genus:	Naja
Spesie:	N. nivea
Binomiale naam
Naja nivea (Linnaeus, 1758)
verspreiding
Sinonieme
Coluber niveus Linnaeus, 1758 Vipera (Echidna) flava Merrem, 1820 Naja nivea Boie, 1827 Naja gutturalis Smith, 1838 Naja intermixta Duméril, Bibron & Duméril, 1854 Naja haje var. capensis Jan, 1863 Naia flava Boulenger, 1887 Naja flava Sternfeld, 1910 Naja nivea FitzSimons & Brain, 1958 Naja nivea Harding & Welch, 1980 Naja nivea Auerbach, 1987 Naja nivea Welch, 1994 Naja (Uraeus) nivea Wallach, 2009

Voorkoms

Die slang se kleur wissel van geel tot geelbruin gevlek met donker kolle, tot donker rooierig bruin. Die punt van die stert is swarterig. Jong slange het 'n donker keelband wat ligter word namate hulle volwasse raak. Die geelslang maak ook sy kop bak wanneer hy bedreig word en sy lengte wissel van 1.2 – 2 m.

Gif

Die gif is senuvergiftend en onmiddellike behandeling is nodig anders sterf die slagoffer weens verlamming en versmoring. 'n Teengif is beskikbaar.

Galery

• 
  Met opgeblase long drywe dié swemmer en maak 'n bakkop soos op land
• 
  'n Terugtog na 'n jagtog op versamelvoël-neste in suidelike Namibië
• 
  Vroegoggend afgeneem as prooi in die kloue van 'n reuse-ooruil in die Kgalagadi

Sien ook

• Alfabetiese lys van slange

Bron

• Die Suid-Afrikaanse Gids- feite en wenke. Isabel Uys. 2009 ISBN 978-1-86919-324-9