Wikipedia

General Atomics MQ-9 Reaper

Amerikaanse hommeltuig

Die General Atomics MQ-9 Reaper (soms die Predator B genoem) is 'n onbemande lugvaartuig wat onder afstandbeheer of outonoom operasies kan uitvoer. Die Reaper is ontwikkel deur General Atomics Aeronautical Systems (GA-ASI) spesifiek vir die Amerikaanse Lugmag. Daar word na die MQ-9 en ander hommeltuie verwys as afstandbeheerde vaartuie/lugvaartuig (RPV/RPA) deur die Amerikaanse Lugmag om aan te dui dat dit van die grond af beheer word.[4][5]

General Atomics MQ-9 Reaper
Amerikaanse Lugmag MQ-9A Reaper
Tipe Hommeltuig
Vervaardiger General Atomics Aeronautical Systems
Bekendstelling 1 Mei 2007
Hoofgebruikers Amerikaanse Lugmag
Amerikaanse Doeane en Grensbeskerming
Britse Lugmag
Italiaanse Lugmag
Aantal gebou 163 teen 2014[1]
Programkoste VS$ 11,8 biljoen[2]
Eenheidskoste VS$15,9 miljoen (gereedkoste, 2019)[3]
Ontwikkel van General Atomics MQ-1 Predator

Die MQ-9 is die eerste jagter-vernietiger UAV ontwerp vir langafstand, hoë hoogte verkennnigstogte.[6] Gedurende 2006 het die Personeelhoof van die Amerikaanse lugmag genl. T. Michael Moseley gesê: "We've moved from using UAVs primarily in intelligence, surveillance, and reconnaissance roles before Operation Iraqi Freedom, to a true hunter-killer role with the Reaper."[6]

Die MQ-9 is groter, swaarder en 'n veel meer bruikbare lugvaartuig as sy voorganger die General Atomics MQ-1 Predator; dit word deur dieselfde grondbeheerstelsels beheer as die MQ-1. Die MQ-9 is met 'n 712 kW turboskroefmotor toegerus, die MQ-1 is toegerus met 'n suierenjin. Die sterker motor laat die MQ-9 toe om vyftien keer meer vrag te kan dra en ook teen drie keer die spoed van die MQ-1 te kan vlieg.[6] Die lugvaartuig word deur lugpersoneel in die grondbeheerstasie gemonitor en beheer, insluitend die wapentoepassings.[7]

In 2008 het die New Yorkse Nasionale Lugwag se 174ste Aanvalsvleuel begin oorskakel van F-16's met vlieëniers na MQ-9A Reapers; die eerste vegtereenheid wat ten volle oorgeskakel het na onbemande krygslugvaartuie (UCAV).[8] In Maart 2011 het die Amerikaanse Lugmag meer vlieëniers opgelei vir onbemande lugvaartuie as vir enige ander enkel wapenstelsel.[9] Die Reaper word ook deur die Amerikaanse Vloot, die CIA, die Amerikaanse Doeane en Grensbeskerming, NASA en verskeie militêre organisasies wêreldwyd gebruik.

Die Amerikaanse Lugmag het 195 Reapers in September 2016 bedryf[10] en beplan om hulle in die lug te hou tot in 2030.[11]

Verwysings

wysig
  1. ↑ "MQ–1 Predator / MQ–9 Reaper". Aeroweb (in Engels). Geargiveer vanaf die oorspronklike op 6 Desember 2016. Besoek op 27 November 2015.
  2. ↑ "Analysis of the Fiscal Year 2012 Pentagon Spending Request" (in Engels). National Priorities Project. 15 Februarie 2011. Geargiveer vanaf die oorspronklike op 18 Junie 2012. Besoek op 1 Januarie 2012.
  3. ↑ "Department of Defense Fiscal Year (FY) 2020 Budget Estimates". U.S. Air Force, Maart 2019. p. Vol. 1–125.
  4. ↑ Escutia, Sondra (29 Oktober 2009). "4 remotely piloted vehicle squadrons stand up at Holloman" (in Engels). US Air Force. Geargiveer vanaf die oorspronklike op 29 Julie 2012. Besoek op 1 Januarie 2012.
  5. ↑ Peterson, Kyle (16 Desember 2009). "You say "drone," I say "remotely piloted"" (in Engels). Reuters. Geargiveer vanaf die oorspronklike op 24 September 2015. Besoek op 1 Januarie 2012.
  6. ↑ 6,0 6,1 6,2 "'Reaper' moniker given to MQ-9 unmanned aerial vehicle" (in Engels). US Air Force. 14 September 2006. Geargiveer vanaf die oorspronklike op 14 September 2011. Besoek op 1 Januarie 2012.
  7. ↑ "MQ-9 REAPER fact sheet" (in Engels). US Air Force. 18 Augustus 2010. Geargiveer vanaf die oorspronklike op 26 Augustus 2013. Besoek op 27 Desember 2011.
  8. ↑ Charles J. Hanley. "Unmanned Reapers bound for Iraq, Afghanistan". Air Force Times. Besoek op 12 Januarie 2012.
  9. ↑ "Remarks by Secretary Gates at the United States Air Force Academy". Department of Defense News Transcript (in Engels). 4 Maart 2011. Geargiveer vanaf die oorspronklike op 10 April 2011.
  10. ↑ The Air Force’s Newest MQ-9 Reaper Drone Is Now Hunting ISIS Geargiveer 7 Julie 2017 op Wayback Machine - Defensetech.org, 30 Junie 2017
  11. ↑ USAF’s Small UAS roadmap calls for swarming ‘kamikaze’ drones Geargiveer 6 Mei 2016 op Wayback Machine – Flightglobal.com, 4 Mei 2016

Eksterne skakels

wysig
Ontsluit van "https://af.wikipedia.org/w/index.php?title=General_Atomics_MQ-9_Reaper&oldid=2435094"