Genitale vrat
Genitale vratte is simptome van ’n aansteeklike seksueel oordraagbare infeksie wat deur sekere soorte van die menslike papilloomvirus (MPV) veroorsaak word. Vratte is die makliks herkenbare simptoom van genitale MPV-infeksie. Sowat 90 persent van mense wat met MPV besmet word, sal nie genitale vratte ontwikkel nie en die ander 10 persent kan die virus aan ander oordra.
| Genitale vratte | ||
| Klassifikasie en eksterne bronne | ||
.jpg)
| ||
| Mikrograaf van ’n genitale vrat. | ||
| ICD-10 | A63.0 | |
| ICD-9 | 078.11 | |
| DiseasesDB | 29120 | |
| MedlinePlus | 000886 | |
| eMedicine | derm/454med/1037 | |
| MeSH | C02.256.650.810.217 | |
 Mediese waarskuwing
| ||
Oorsake en simptome
wysigDie MPV-soorte 6 en 11 is meestal die oorsaak van genitale vratte. Dit word deur regstreekse vel-tot-velkontak oorgedra, gewoonlik tydens orale, anale of genitale seks met ’n persoon wat die virus het. Terwyl sommige soorte MPV servikale of anale kanker kan veroorsaak, word genitale vratte deur ander soorte meegebring.[1]
Voorkoms en behandeling
wysig
’n Mens kan deur verskillende soorte MPV besmet word – terselfdertyd of op verskillende tye.[2][3] Hulle kan op enige plek om of op die anus of geslagsdele voorkom en word meestal aangetref op eksterne oppervlakke van die liggaam, soos die skag van die penis, die skrotum of die lippe van die vagina. Hulle kan ook op interne oppervlakke voorkom, soos in die opening van die uretra en in die vagina of anus.
Hulle kan so klein as 1-5 mm breed wees, maar kan ook groei en in groot massas versprei. Hulle kom meestal in trosse voor. Soms lyk hulle soos klein steeltjies. Hulle kan hard of sag wees en hul kleur kan wissel. Soms bloei hulle.
Hoewel ramings van die hoeveelheid nuwe gevalle per jaar wissel, is MPV so algemeen dat feitlik alle seksueel aktiewe mense dit die een of ander tyd in hul lewe sal kry.[2] ’n Condyloma acuminatum is ’n enkele vrat, terwyl ’n condylomata acuminata meervoudige vratte is. Hoewel die name ooreenstem met condyloma latum, is laasgenoemde ’n komplikasie van sekondêre sifilis.
Verwysings
wysig- ↑ US National Cancer Institute. "HPV and Cancer" (in Engels). Geargiveer vanaf die oorspronklike op 22 Februarie 2015. Besoek op 2 Januarie 2013.
- ↑ 2,0 2,1 US Centers for Disease Control. "Genital HPV Infection - Fact Sheet" (in Engels). Geargiveer vanaf die oorspronklike op 9 Mei 2020. Besoek op 2 Januarie 2013.
- ↑ Juckett, G; Hartman-Adams, H (15 November 2010). "Human papillomavirus: clinical manifestations and prevention". American family physician. 82 (10): 1209–13. PMID 21121531.
Eksterne skakels
wysig- Menslike papilloomvirus by DMOZ Geargiveer 13 Januarie 2017 op Wayback Machine
Wikimedia Commons het meer media in die kategorie Genitale vrat.
Hierdie artikel is vertaal uit die Engelse Wikipedia
