Georg Wenzeslaus von Knobelsdorff
Georg Wenzeslaus von Knobelsdorff (17 Februarie 1699 – 16 September 1753) was 'n skilder en argitek in Pruise. Knobelsdorff is gebore in Kuckädel, nou in Krosno Odrzańskie Distrik in hedendaagse Pole.
Georg Wenzeslaus von Knobelsdorff | |
|---|---|
 Georg Wenzeslaus von Knobelsdorff in 1732 | |
| Gebore | 17 Februarie 1699 landgoed Kuckädel naby Crossen an der Oder |
| Sterf | 16 September 1753 (op 54) |
| Nasionaliteit | .svg){kind=small} Koninkryk Pruise |
| Beroep | skilder, argitek |
| Bekend vir | konstruksie van die paleis van Sanssouci |
Hy was aanvanklik soldaat, daarna portret- en landskapskilder, teaterbestuurder, landskapsbeplanner en binnenshuise versierder, maar veral boumeester in diens van koning Frederik II van Pruise.
Sy persoonlike houding tot die kroonprins en latere koning was deur 'n harmoniese en byna vriendskaplike begin gekenmerk, terwyl later spanninge na vore gekom het. Uiteindelik het die twee begin versoen.
Von Knobelsdorff het in slegs sowat twee dekades 'n groot aantal ontwerpe vir kastele, burgerhuise, kolonnades, obeliske, tuine en ander projekte gelewer wat die stadsbeeld van Pruise se twee koninklike stede Berlyn en Potsdam sterk beïnvloed het. Baie van sy werke is later verander of vernietig, maar sommige het bewaar gebly of is gerekonstrueer.
In 1753 het Knobelsdorff se jarelange lewersiekte lastig geword. Knobelsdorff sterf op 16 September 1753 in Berlyn.
