Ghadames

Ghadames (Arabies: غدامس) is 'n dorp en oase in die weste van Libië. Dit is sowat 550 km suidwes van die land se hoofstad, Tripoli, geleë, naby die grense van Algerië en Tunisië.

Ghadames غدامس
Dorp
Ghadames
Koördinate: 30°08′0″N 9°30′0″O
Land	Libië
Provins	Tripolitanië
Distrik	Nalut
Hoogte	330 m (1 080 ft)
Bevolking
• Totaal	10 000
Tydsone	UTC+2 (EET)
• Somertyd	UTC+2 (nie in gebruik nie)

Die huise in Ghadames is gebou uit modder, kalk en die stamme van palmbome. Die stegies tussenin word bedek om die inwoners beskerming teen die hitte te bied.

Die oase het 'n bevolking van 7000 Toearegse Berbers. Die ou gedeelte van die dorp, wat deur 'n muur omring word, is in 1986 deur Unesco as 'n Wêrelderfenisgebied verklaar. Elk van die sewe stamgroepe wat oorspronklik in hierdie deel van die dorp gewoon het, het hul eie distrik gehad, met 'n publieke area waar feeste gehou is. In die 1970's het die regering nuwe huise buite die ou deel van die dorp gebou. Baie inwoners keer egter in die somer terug na die ou middelste deel, siende dat die argitektuur daar beter beskerming teen die hitte bied.

Die eerste rekords oor Ghadames dateer uit die Romeinse periode, toe daar van tyd tot tyd Romeinse troepe in die dorp gestasioneer was. Die Romeinse naam vir die dorp was "Cydamus". Gedurende die 6de eeu het 'n Biskop in die dorp gewoon, ná die inwoners tot die Christendom bekeer is deur Bisantynse sendelinge. Gedurende die 7de eeu het Moslem Arabiere oor Ghadames geheers en die inwoners het volgelinge van Islam geword. Ghadames het tot die 19de eeu 'n belangrike rol gespeel in handel tussen die Mediterreense lande en Wes-Afrika, wie se handelsroetes deur die Sahara geloop het.

The oasis of Ghadames Is unknown to most people, I guess In Libya's vast land Half-buried in sand It survives, and it thrives — more or less

- Limeriek deur Charles Issawi, Die Welt des Islams (1998)

Eksterne skakels

• (en) (fr) Amptelike UNESCO bladsy