Glaskas

Glaskas is 'n Afrikaanse pop-en-rock musiekgroep wat van Humansdorp, Oos-Kaap afkomstig is. Die groep het ontstaan nadat hulle in 2004 aan die Jip Rockspaaider-kompetisie deelgeneem het. Die groeplede is:

• Deon Meiring, die kitaarspeler en voorsanger (hy speel ook viool en mondfluitjie)
• Francois Kleynhans
• Lolke-Louis Claassen

Glaskas
Oorsprong	Humansdorp (Suid-Afrika)
Genres	Pop, rock
Webwerf	www.glaskasband.co.za
Lede	Deon Meiring Francois Kleynhans Lolke-Louis Claassen
Gewese lede	Pierre Turner Gordon Evans Chris van Dyk Cobus Potgieter

Die lirieke en musiek word deur Deon geskryf, waarna die groep bymekaar kom om die verfyning vir elke instrument te doen en die harmonie te verkry.

Glaskas was ook die wenners van JIP se Rockspaaider-kompetisie in die Oos-Kaap.

Sedertdien het hulle verskeie optredes gedoen, onder andere voorkonserte vir Skallabrak, Die Melktert Kommissie en Jan Blohm en optredes by KKNK en Aardklop.

Deon Meiring het ook in 2005 deelgeneem aan Crescendo in die Skeppend-Uitvoerende-afdeling. Hy het tot die finaal deurdring in Johannesburg en het derde in die landwye kompetisie geëindig met sy liedjie "Vrede".

Diskografie

• Revolusie, Romantiek, Ruk en Rol (2006)
• Engele wat skree (2009)
• Aan die ontmaskerde heldin (2010)
• verganklik en afhanklik (2012)

Sien ook

• Lys van Suid-Afrikaanse musiekgroepe

Eksterne skakels

• Amptelike webwerf (af)