Maak hoofkeuseskerm oop

Die Gloster Meteor was 'n straalaangedrewe vegvliegtuig wat deur die Britse Lugmag gebruik is tydens die Tweede Wêreldoorlog. Dit was ook die enigste straalaangedrewe vliegtuig wat deur die Geallieerdes gebruik is in die oorlog en was in diens gestel voor die Duitse Messerschmitt Me 262.

Gloster Meteor
Gloster Meteor F.4 VT340 Fairey Ringway 21.07.55 edited-2.jpg
Operasionele RAF Meteor F.4 in Julie 1955
Tipe Vegvliegtuig
Vervaardiger Gloster Aircraft Company
Ontwerp deur George Carter
Nooiensvlug 5 Maart 1943
Status Uit diens gestel
Hoofgebruiker Britse Lugmag
Aantal gebou 3,947

Tweede WêreldoorlogWysig

George Carter het reeds in 1940 begin met die ontwerp van die Gloster Meteor. Hy het die twee motor ontwerp verkies omrede die straalmotors van daardie tyd se stukrag nog maar swak was. Die eerste Meteor was toegerus met Frank Whittle ontwerpte W2B turbostraalenjins. Hulle kon egter slegs 454kg stukrag lewer en kon nie die vliegtuig van die grond af kry nie. Die eerste Meteor het op 5 Maart 1943 gevlieg en was toegerus met twee Halford H1 motors wat oor 681 kg stukrag elk beskik het. Die Halford motors is later verder ontwikkel en word uiteindelik die Goblin motor wat in die De Havilland Vampire gebruik was.

Ander prototipes het ook gou gevlieg elk met 'n ander tipe motor om die sterkste en betroubaarste straalmotors te vind. Die ontwikkeling en vervaardiging van die Whittle motor is oorgeneem deur Rolls-Royce wat die stukrag verbeter het na 772 kg. Die motor het nou bekend gestaan as die W2B/23 Welland motor en dit was hierdie motors wat die vierde prototipe die lug ingedra het in Junie 1943. Hierna was die Welland motor gekies om in die produksie Meteor I vliegtuig geinstalleer te word.

Die eerste Meteor I vliegtuie is aan 616 Eskader afgelewer op 12 Julie 1944. Hulle eerste vlug was om V-1 vuurpyle af te skiet. Probleme met die Meteor I se kannonne het sukses vertraag; op 4 Augustus het vlieënier Dean daarin geslaag om 'n V-1 vuurpyl met sy vlerk van koers af te dwing deur dit om te keer. Die probleme met die kanonne is opgelos en teen die einde van Augustus is 13 V-1 vuurpyle vernietig.

Later het die vliegtuie diens gedoen oor Europa maar daar was nooit enige gevegte met die Messerschmitt Me 262 nie. Daar is slegs een onderonsie met 'n Focke-Wulf Fw 190 aangeteken maar dit was nie beslissend nie. Toe die Tweede Wêreldoorlog tot 'n einde gekom het was die Meteor F.Mk III die standaard model in diens. Dit het kragtiger Derwent motors en 'n skuifbare kajuitdak gehad.

Post Tweede WêreldoorlogWysig

Die Meteor F.Mk III het die ruggraat gevorm van die RAF se Fighter Command. Hulle het die standaard Hispano 20 mm kanon bewapening behou. Tussen 1947 en 1948 was die Mk III vervang met die Mk 4 wat met nog kragtiger Derwent 5 motors toegerus was. 22 Eskaders was toegerus met die Mk 4. Die Mk 8 was ontwikkel vanaf die Mk 4; dit het 'n langer romp, groter interne brandstof tenks en 'n uitskietstoel gehad. Uitskietstoele was nog nie 'n standaard vir vegvliegtuie nie. Die Mk 8 se topsnelheid was 965 km/h en was vanaf 1950 tot 1955 die RAF se hoof onderskep vegvliegtuig. Op daardie stadium was daar 1090 van die vliegtuie in diens van die RAF.

Meteors F.8's van die Koninlike Australiaanse Lugmag het aan die Korea-oorlog deelgeneem en was in aksie teen die Russiese MiG-15 betrokke. Hulle het egter nie beindruk teen die MiG's nie. Daarna was die meeste Meteors toegewys aan grondaanvalle. In die begin van die vyftigerjare was die Meteor absoluut gemaak deur die swiepvlerk stralervegvliegtuie. Die Britse Lugmag het die Meteor in 1955 met die Hawker Hunter vervang. Sommige is ontwikkel om teiken te trek en gebruik tot in 1977. Meer as 350 Gloster Meteors is uitgevoer na 13 nasies en 240 was onder lisensie gebou deur België se Avions Fairey.

Tegniese besonderhedeWysig

 
Gloster Meteor
Besonderhede van die Gloster Meteor F.Mk I:
Item Statistiek
Aantal motore 2
Tipe motor Straler
Vervaardiger Rolls-Royce W2B/23 turbostraler
Kraglewering per motor 772 kg stukrag
Vlerkspan 13,11 m
Lengte 12,57 m
Hoogte 3,96 m
Vlerkoppervlakte 34,74 m2
Maks. opstygmassa 6 268 kg
Maks. snelheid 660 km/h
Operasionele hoogte 12 190 m
Togafstand 1,610 km
Klimvermoë 657 m per minuut
Bewapening Vier 20 mm kanonne

Sien ookWysig

BronWysig