Godwin se wet
Godwin se wet ("Godwin's law" in die oorspronklike Engels, of Godwin se reël van Hitler analogieë)[1][2] is 'n Internet gesegde wat beweer dat, soos 'n aanlyn bespreking langer word, die waarskynlikheid van 'n vergelyking met Hitler na 1 neig.[3] Met ander woorde, as 'n aanlyn-bespreking (ongeag die onderwerp of omvang) lank genoeg aangaan, sal iemand vroeër of later iemand of iets met Hitler of sy dade vergelyk.
Die stelling is oorspronklik deur die Amerikaanse prokureur en skrywer Mike Godwin in 1990 gemaak. Godwin se wet het oorspronklik spesifiek na Usenet nuusgroep besprekings verwys.[4] Dit word egter deesdae op alle gestruktureerde aanlyn besprekings toegepas, soos byvoorbeeld Internet forums en geselskamers, sowel as toesprake, artikels, en ander retoriek[5][6] waar sogenaamde reductio ad Hitlerum (reduksie tot Hitler, 'n sinspeling op reductio ad absurdum) kan plaasvind.
In 2012 is "Godwin's law" opgeneem in die derde uitgawe van die Oxford English Dictionary.[7]
Veralgemening, uitvloeisels en gebruik
wysigMet betrekking tot die waarskynlikheidsleer, kan Godwin se wet gesien word 'n spesiale geval van 'n Bernoulli proses.
Daar is 'n verskeidenheid uitvloeisels van Godwin se wet, waarvan sommige as minder[1] en sommige meer kanoniek beskou word (deurdat hulle deur Godwin self opgeneem is).[3] Daar is byvoorbeeld 'n tradisie in nuusgroepe en ander Internet-gespreksforums dat sodra so 'n vergelyking gemaak word, die bespreking klaar is, en dat wie ookal Hitler genoem het, outomaties die debat verloor het.[8] Hierdie beginsel self word dikwels Godwin se wet genoem.
Godwin se wet kan ook as 'n afleidingstaktiek gebruik word, of selfs as 'n vorm van sensuur, deur 'n teenstander se argument verkeerdelik as oordrywing te skilder alhoewel die vergelykings eintlik gepas is.[9][10] Soortgelyke kritiek van die "wet" (of "ten minste die verwronge weergawe wat voorgee om alle vergelykings met Duitse misdade te verbied") is deur die Amerikaanse prokureur, joernalis en skrywer Glenn Greenwald gemaak.[11]
Geskiedenis
wysigGodwin het gesê dat hy die wet in 1990 as 'n eksperiment in memetiek voorgestel het.
Godwin se wet gee nie voor om 'n logiese fout te verwoord nie; dit is eerder as 'n memetiese werktuig voorgestel om die voorkoms van onvanpaste hiperboliese vergelykings te verminder. Godwin beweer dat hy dit doelbewus opgestel het asof dit 'n wet van die natuur of die wiskunde sou wees, maar dat sy doel retories en pedagogies van aard was, naamlik om mense wat ondenkende vergelykings met Hitler maak, 'n bietjie harder oor die Holocaust te laat dink.[12] In Desember 2015, het Godwin kommentaar gelewer oor vergelykings wat in verskeie artikels gemaak is tussen Nazis en fasciste eendersyds, en die Republikeinse presidensiële kandidaat Donald Trump andersyds: "As jy nadenkend is en 'n werklike bewustheid van die geskiedenis toon, gaan voort en verwys na Hitler toe jy praat oor Trump. Of enige ander politikus."[13] Op 13 Augustus 2017, het Godwin soortgelyke opmerkings op sosiale netwerke Facebook en Twitter gemaak met betrekking tot die vorige twee dae se Unite the Right betogings in Charlottesville, Virginia, en pogings ondersteun om die organiseerders met Nazi's te vergelyk.[14][15][16][17]
Sien ook
wysigVerwysings
wysig- ↑ 1,0 1,1 Tim Skirvin (15 September 1999). "How to post about Hitler and get away with it—the Godwin's law FAQ". Skirv's Wiki (in Engels). Geargiveer vanaf die oorspronklike op 25 Maart 2014.
- ↑ Godwin, Mike (Oktober 1994). "Meme, Counter-meme". Wired (in Engels). Geargiveer vanaf die oorspronklike op 15 Maart 2014. Besoek op 24 Maart 2006.
- ↑ 3,0 3,1 Godwin, Mike (12 Januarie 1995). "Godwin's law of Hitler Analogies (and Corollaries)". EFF.org (in Engels). Electronic Frontier Foundation. pp. Net Culture – Humor archive section. Geargiveer vanaf die oorspronklike op 17 April 2017. Besoek op 19 Junie 2012.
- ↑ Godwin, Mike (August 18, 1991). "Re: Nazis (was Re: Card's Article on Homosexuality". Newsgroup: rec.arts.sf-lovers.
- ↑ http://bengoldacre.posterous.com/nazi-youth-pope-aligns-atheists-with-nazis-bi.
- ↑ Stanley, Timothy (6 Maart 2014). "Hillary, Putin's no Hitler". Opinion (in Engels). CNN. Geargiveer vanaf die oorspronklike op 28 September 2017. Besoek op 6 Maart 2014.
- ↑ http://www.oed.com/view/Entry/340583?redirectedFrom=Godwin%27s+law#eid.
- ↑ "Internet rules and laws: the top 10, from Godwin to Poe".
- ↑ David Weigel, "Hands Off Hitler! Geargiveer 1 September 2009 op Wayback Machine
- ↑ Mitt Hitler and Double Standards: Godwin's Law Applies to Thee, But Not to Me, No Pasarán, May 28, 2012
- ↑ Greenwald, Glenn (July 1, 2010) The odiousness of the distorted Godwin's Law, salon.com
- ↑ http://www.jewcy.com/post/i_seem_be_verb_18_years_godwins_law.
- ↑ Godwin, Mike (14 Desember 2015). "Sure, call Trump a Nazi. Just make sure you know what you're talking about". Washington Post.
- ↑ http://blogs.timesofisrael.com/godwins-law-the-nazi-cosplay-hobbiysts/.
- ↑ https://m.facebook.com/story.php?story_fbid=10154965671861483&id=1.
- ↑ https://twitter.com/sfmnemonic/status/896884949634232320.
- ↑ Mandelbaum, Ryan. "Godwin of Godwin's Law: 'By All Means, Compare These Shitheads to the Nazis'" (in Engels). Gizmodo. Geargiveer vanaf die oorspronklike op 19 April 2020. Besoek op 14 Augustus 2017.
Verdere leesstof
wysig- Anderson, Nate (1 September 2011). "No Nazi comparisons? Sounds like something Hitler would say!". Ars Technica. Besoek op 1 September 2011.
Eksterne skakels
wysig- Tim Skirvin (September 15, 1999). "How to post about Nazis and get away with it—the Godwin's law FAQ". Skirv's Wiki. Geargiveer vanaf die oorspronklike op October 11, 1999.
- "I Seem to be a Verb"; Mike Godwin se kommentaar op die 18de herdenking van Godwin se wet
- "My Nazi Can Beat Up Your Nazi" deur Michael Sietzman
- "Is it ever OK to call someone a Nazi?". BBC News. 14 Julie 2010.
- Fishman, Aleisa (September 1, 2011). "Voices on Antisemitism - Interview with Mike Godwin". U.S. Holocaust Memorial Museum. Geargiveer vanaf die oorspronklike op May 16, 2013.
- Interview with "Mike Godwin on Godwin's Law" deur Dan Amira, New York tydskrif, Maart 8, 2013
- Bedraad 2.10; Meme, Counter-Meme deur Mike Godwin