Graham Hill
Norman Graham Hill OBE (15 Februarie 1929 – 29 November 1975) was 'n Britse renjaer en -eienaar, wat twee keer die Formule Een-wêreldkampioen was (1962 en 1968). Ten spyte daarvan dat hy eers in 1953, toe hy al 24 jaar oud was, sy bestuurslisensie geslaag het en eers 'n jaar later die wêreld van motorsport betree het, sou hy een van die grootste renjaers van sy geslag word.
| Graham Hill | |
|---|---|
 Hill by die 1971 Hollandse Grand Prix
| |
| Geboortedatum | 15 Februarie 1929 |
| Geboorteplek | Hampstead, Londen, England |
| Sterfte | 29 November 1975 (op 46) Arkley, Barnet, Engeland |
| Volle naam | Norman Graham Hill |
| Nasionaliteit |  Brit
|
| Aktiewe jare | 1958–1975 |
| Ou span(ne) | Lotus, BRM, Brabham, Hill |
| Inskrywings | 179 (176 begin) |
| Kampioenskappe | 2 (1962, 1968) |
| Oorwinnings | 14 |
| Podiums | 36 |
| Loopbaanpunte | 270 |
| Voorste wegspronge | 13 |
| Vinnigste rondtes | 10 |
| Eerste F1-wedren | 1958 Monaco Grand Prix |
| Eerste wen | 1962 Hollandse Grand Prix |
| Laaste wen | 1969 Monaco Grand Prix |
| Laaste inskrywing | 1975 Monaco Grand Prix |
Prestasies
wysigHill word veral gevier omdat hy die enigste jaer ooit was wat die "Triple Crown of Motorsport" kon wen, die Indianapolis 500, die 24 uur van Le Mans en die Formule Een-wêreldkampioenskap vir jaers. Terwyl verskeie van sy eweknieë ook hierdie definisie voorgestaan het, waaronder sy mede-F1-wêreldkampioen, Jacques Villeneuve, word die prestasie vandag meestal omskryf as die Monaco Grand Prix, eerder as die Formule Een-wêreldkampioenskap. In Monaco het hy so gereeld gewen (5x; 1963, 1964, 1965, 1968, 1969) dat hy bekend geword het as Mr. Monaco. [1] [2] [3] Hill het tydens die Amerikaanse Grand Prix van 1969 gebots en is ernstig beseer. Maar al het hy herstel en aanhou jaag tot 1975, sou Hill se loopbaan nooit weer dieselfde hoogtes bereik nie, en die Monaco-oorwinning vroeër in 1969 was sy laaste oorwinning in Formule Een gewees.
Eie span
wysigNadat hy Brabham verlaat het, het Hill sy eie span in 1973 gestig wat onder die naam Embassy Hill geopereer het. Hill het voortgegaan om te jaag, maar nadat hy nie vir die Grand Prix van Monaco in 1975 gekwalifiseer het nie, het hy as renjaer uitgetree om op die daaglikse bedrywighede van die span te konsentreer. Tragies dieselfde jaar is Hill en vyf ander lede van die Embassy Hill-span dood toe die vliegtuig wat Hill uit Frankryk geloods het, in die nag op die Arkley-gholfbaan in mis neergestort het toe hy op Elstree Airfield in die noorde van Londen wou land.
Familie
wysigHill en sy seun Damon was die eerste pa-en-seunpaar wat die Formule Een-wêreldkampioenskap gewen het. Hill se kleinseun Josh, die seun van Damon, het ook deur die geledere gejaag totdat hy op 22-jarige ouderdom in 2013 uit die Formule Drie getree het.
Verwysings
wysig- ↑ Matthew Knight and Andrew Stewart (27 Mei 2016). "Monaco Grand Prix: The 'gentleman' racer who ruled on the French Riviera". CNN. Besoek op 20 Oktober 2020.
- ↑ Alan Baldwin (19 Mei 2017). "Motor racing - Triple crown: Monaco or F1 championship?". Reuters. London. Besoek op 16 Junie 2018.
- ↑ "Tribute to Graham Hill". lastingtribute.co.uk. Geargiveer vanaf die oorspronklike op 18 Januarie 2008. Besoek op 5 Desember 2007.