Groot Egiptiese Museum

Groot Egiptiese Museum
'n Beeld van die museum.
Tutankhamun se doodsmasker word in die Groot Egiptiese Museum uitgestal

Plek Giza
Land Egipte
Openingsjaar beplan vir Augustus 2015
Tipe museum Archeologiese museum
Webtuiste www.gem.gov.eg

Die Groot Egiptiese Museum, ook bekend as die Giza-museum, is ’n museum wat by Giza, Egipte, gebou word en artefakte van Antieke Egipte sal huisves. Dit word beskryf as die grootste archeologiese museum ter wêreld,[1] en sal volgens plan in 2015 open. Dit sal op ’n terrein van 50 hektaar staan, sowat 2 km van die Giza-piramides, en is deel van ’n nuwe meesterplan vir die plato.

Oorsig wysig

Die ontwerp van die gebou is deur middel van ’n kompetisie gekies. ’n Wenplan is uit 1 557 inskrywings uit 82 lande gekies en op 2 Junie 2003 aangekondig – dit was die grootste argitektuurkompetisie in die geskiedenis. Die kompetisie is gewen deur die maatskappy Heneghan Peng van Dublin, Ierland.

Die gebou is in die vorm van ’n afgekante driehoek. Die noorde- en die suidemuur lyn direk op met die Groot Piramide van Cheops en die Piramide van Menkaoere. Voor die gebou is ’n groot plaza met palmbome.

Op 5 Januarie 2002 het die destydse president Hosni Mubarak die eerste steen van die fondament gelê. Die standbeeld van farao Ramses II, wat sowat 3 200 jaar oud is, is op 25 Augustus 2006 van Ramses-plein na Giza geskuif; dit word opgeknap en sal by die ingang van die museum staan.

Die nuwe museum is ontwerp om die jongste tegnologie te gebruik, onder meer virtuele realiteit. Dit sal ook ’n internasionale sentrum van kommunikasie tussen museums wees.

Verwysings wysig

  1. Nancy Farghalli (25 Julie 2006). "Marketplace: Egypt's next big thing". Marketplace (in Engels). American Public Media. Geargiveer vanaf die oorspronklike op 15 Mei 2008. Besoek op 31 Mei 2011.

Eksterne skakels wysig

Koördinate: 29°59′37″N 31°07′11″O / 29.99361°N 31.11972°O / 29.99361; 31.11972