Győrgy Lehel

Győrgy Lehel (* 10 Februarie 1926, Boedapest, Hongarye; † 26 September 1989, Boedapest) was 'n Hongaarse dirigent.

György Lehel

Lehel was 'n student van Kadosa (komposisie) en Somogyi (dirigeer) in Boedapest. Vanaf 1950 was hy 'n dirigent by die Hongaarse Radio-simfonieorkes in Boedapest, en was vanaf 1962 hul hoofdirigent. Hy het ook as gasdirigent in Europa, die VSA en Japan opgetree.

Lehel is vereer met die Liszt- (1955, 1962) en Kossuth-pryse (1973) en is deur die Hongaarse regering as kunstenaar van verdienstelikheid (1967) aangewys vir sy dienste aan die musiek van sy vaderland.