Hampshire

Hampshire
Vlag Wapen	Ligging in Engeland
Seremoniële graafskap Hampshire
Hoofstad	Winchester
Oppervlakte	3 769 km2
Bevolking	1 763 600 (2011)
Bevolkingsdigtheid	468 inw./km2
Administratiewe (nie-metropolitaanse) graafskap
Streek	Hampshire
Administratiewe setel	Winchester
ISO 3166-2:	GB-HAM
Oppervlakte	3 769 km2
Bevolking	1 763 600 (2011)
Bevolkingsdigtheid	468 inw./km2
Webtuiste	www.hampshire.gov.uk Geargiveer 18 Desember 2014 op Wayback Machine
Distrikte en Unitêre owerhede
Gosport Fareham Winchester Havant Oos-Hampshire Hart Rushmoor Basingstoke and Deane Test Valley Eastleigh New Forest Southampton (Unitêre owerheid) Portsmouth (Unitêre owerheid)

Hampshire (soms ook Southamptonshire genoem) is 'n graafskap in die suide van Engeland in die Verenigde Koninkryk. Die seremoniële graafskap sluit in die stede van Southampton en Portsmouth, maar om administratiewe doeleindes beskik hierdie twee stede oor unitêre owerhede (unitary authorities).

Die seremoniële graafskap het 'n bevolking van 1,8 miljoen in die 2011-sensus gehad en die administratiewe graafskap 'n bevolking van 1,32 miljoen. Die seremoniële graafskap is die 5de grootste graafskap in die land. Die oppervlakte van die seremoniële graafskap is 3 769 km² en die administratiewe graafskap 3 679 km².

Geografie

Hampshire grens aan die graafskappe (kloksgewyse van wes) Dorset, Wiltshire, Berkshire, Surrey and Wes-Sussex. Die hoofstad van Hampshire is Winchester.

Demografie

Volgens die 2001-sensus het die stad 'n bevolking van 1 644 249 gehad. 96,73% van die inwoners was wit mense, gevolg deur 1,34% Asiate en 'n gemengde ras op 0,84%. 73,86% se geloof was die Christendom.

Administrasie

Die administratiewe graafskap van Hampshire het elf distrikte. Volgens die 2011 volkstelling is die bevolking van enkele distrikte tussen 91 000 (Hart) en 176 000 (New Forest). Die graafskapsraad het 78 lede. In Junie 2014 het die Konserwatiewe Party 47 setels, die Liberaaldemokrate 16 setels, UKIP 10 sleutels en die Arbeiders 4 setels gehou.

Polisie dienste word deur die Hampshire Constabulary gelewer. Hierdie polisiemag dien die hele Hampshire, insluitend Southampton, Portsmouth en ook die Eiland Wight. Die brandweerdiens is die Hampshire Fire and Rescue Service en dien die hele Hampshire, insluitend Southampton en Portsmouth, maar nie die Eiland Wight nie.

Besienswaardighede in Hampshire

Ronde tafel van Koning Arthur wat in die groot saal van Winchester Kasteel opgehang is   Standbeeld van Koning Alfred in WInchester. Koning Alfred was die eerste koning van Engeland.   HMS Victory, die vlagskip van Lord Nelson by die slag van Trafalgar (1805) en HMS Ark Royal, 'n moderne vliegdekskip van die Britse Vloot   Die Red Arrows by the Farnborough Lugskou   'n Tipiese platelandse pub in Crondall. Volgens legende, het Oliver Cromwell in hierdie pub in 1645 gebly.   Spinaker Tower, 'n 170 meter hoë toring te Portsmouth.   Fleet pond, 'n meer in Fleet

Eksterne skakels

• Wikimedia Commons het meer media in die kategorie Hampshire.
• (en) Amptelike webwerf Geargiveer 18 Desember 2014 op Wayback Machine