Hankook Tire

Die Hankook Tire & Technology groep (bekend as slegs Hankook en gestileerd as наnкоок) is 'n Suid-Koreaanse bandeonderneming. Hankook Tire & Technology se hoofkantoor is in Seoel gesetel en dit is die sewende grootste bandvervaardiger ter wêreld.

Geskiedenis

Hankook Tire is in 1941 deur Jae Hun Chung se oupa gestig as die Chosun Tire Company en is in 1968 herdoop tot Hankook Tire Manufacturing. Die woord "Hankook" beteken letterlik Korea, dus Korea Tire Company.

Die maatskappy lewer nou bande as oorspronklike toerusting aan verskillende motorvervaardigers. Benewens die vervaardiging van ongeveer 102 miljoen bande per jaar, verkoop die maatskappy ook batterye, allooiwiele en remskoene.

Motorsportbetrokkenheid

Hankook DTM-bande

Hankook neem aan motorsport in Europa, Noord-Amerika en Asië deel. Hulle met FBR (Farnbarcher Racing) gekontrakteer om 'n Ferrari F430 GT met Hankook Tyres in die 2009 Le Mans Series-seisoen in te skryf. Die maatskappy het bande voorsien vir die Primetime Race Group wat in 2008 in die GT2-klas van die Amerikaanse Le Mans-reeks gejaag het. Hul het van 2007 tot 2009 bande vir IMSA Prototype Lites, 'n ondersteuningsreeks vir die Amerikaanse Le Mans-reeks, voorsien. Sedert 2009 het die Hankook Team Farnbacher in die GT-klas van die Le Mans-reeks meegeding. Hul lewer ook bande vir die Hankook KTR-span wat in die Super GT en die Asiatiese Le Mans-reeks en vir die Formule 3-Euroseries deelneem.

In tydrenne is Hankook die reeksborg van die Skotse tydrenkampioenskap. Die bande word ook by die Europese interkontinentale tydrenuitdaag gebruik.

Sedert 2011 is Hankook die amptelike bandevennoot vir die Deutsche Tourenwagen Masters, een van die wêreld se gewildste toermotorreekse.

Eksterne skakels

• Wikimedia Commons het meer media in die kategorie Hankook Tire.