Hans Faverey
Hans Antonius Faverey (14 September 1933, Paramaribo – 8 Julie 1990, Amsterdam) was 'n Nederlandse digter van Surinaamse afkoms. Behalwe vir sy werk as digter was hy ook verbonde as dosent aan die Department Sielkunde van die Universiteit van Leiden.
Hans Faverey | |
|---|---|
| Gebore | Hans Antonius Faverey 14 September 1933 |
| Sterf | 8 Julie 1990 (op 56) |
| Nasionaliteit | Nederlands |
| Beroep | Digter, sielkundige |
| Noemenswaardige werke |
|
BiografieWysig
Faverey is gebore in Suriname, maar het in 1939 na Nederland verhuis waar hy gegradueer het aan die Universiteit van Amsterdam en 'n sielkundige van beroep geword het.[1] In 1959 het hy in die huwelik getree met die digteres Lela Zeckovic, en in 1965 begin werk as dosent aan die Universiteit van Leiden.[2]
LoopbaanWysig
Faverey se poësie word as uiters gekonsentreerd en moeilik van begrip beskou, alhoewel hy gewoonlik vir sulke opmerkings gelag het, en gesê het dat dit regtig nie so moeilik is nie. Sy eerste twee bundels het nie 'n goeie ontvangs gehad nie, en slegs enkele kritici het die werke geprys;[3] hy het egter nieteenstaande die prys vir poësie van die stad van Amsterdam ontvang vir sy debuut, Gedichten.[2]
In 1977 publiseer Faverey Chrysanten, Roeiers, waarvoor hy met die Jan Campert-prys bekroon is.[1] Van hierdie oomblik af is Faverey spoedig aanvaar en gekanoniseer. Die aantal kritiese studies oor sy werk het hierna toegeneem - tot op die punt waar dit wou voorkom asof Faverey gelyke status geniet het met Gerrit Kouwenaar en Lucebert.[3] Na sy dood is hy begrawe in die Zorgvlied-begraafplaas.[4]
ToekenningsWysig
- 1969 - Amsterdamse poësie-prys vir Gedichten[2]
- 1977 - Jan Campert-prys vir Chrysanten, roeiers[1]
- 1990 - Constantijn Huygens-prys vir sy gehele oeuvre[1]
WerkeWysig
- 1968 - Gedichten
- 1972 - Gedichten 2
- 1977 - Chrysanten, roeiers
- 1978 - Lichtval
- 1980 - Gedichten
- 1983 - Zijden Kettingen
- 1985 - Hinderlijke goden
- 1988 - Tegen het vergeten
- 1990 - Het ontbrokene
- 1993 - Verzamelde gedichten
- 2000 - Springvossen
VerwysingsWysig
- ↑ 1,0 1,1 1,2 1,3 "Schrijvers en dichters (dbnl biografieënproject I)". Digitale Biblioteek vir Nederlandstalige Literatuur (in Nederlands). 2003.
- ↑ 2,0 2,1 2,2 "Hans Feverey - De Bezige Bij". De Bezige Bij (in Nederlands). Besoek op 5 Junie 2020.
- ↑ 3,0 3,1 dbnl.org/tekst/rees001cons01_01/index.htm "Consensusvorming in de literatuurkritiek" deur Cees van Rees. Digitale Biblioteek vir Nederlandse Letterkunde.
- ↑ "Hans Faverey - Bi(bl)ografie". Schrijversinfo (in Nederlands). Besoek op 5 Junie 2020.
Eksterne skakelsWysig
- Hans Faverey by die Digitale Biblioteek vir Nederlandse Letterkunde (in Nederlands - Chrysanten, Roeiers - kan gratis afgelaai word)