Hantam Botaniese Tuin
Die Hantam Nasionale Botaniese Tuin is by Nieuwoudtville in die Karoo.
Die park lê 5 km suidoos van die dorp langs die Oorlogskloofpad. In die winter val die reën op die Bokkeveldplato en daarom bloei die meeste veldplante in Augustus tot die middel van Oktober. Daar is al 'n 1 350 plantspesies aangeteken. Die kontrei is wêreldbekend om sy bolplante. Mooi rotsformasies in die dolerietkoppe maak die landskap interessant vir mense wat in die geologie belangstel. Baie voëls soos die bloukraanvoëls en sekretarisvoël sowel as jakkalse, bobbejane, steenbokke en ystervarke kom hier voor.
Dit is die enigste nasionale botaniese tuin in die Noord-Kaap en beslaan 6 200 ha waarvan die grootste deel bedek is met renosterveld. Nege wandelroetes is in die park uitgelê.
Lees ook wysig
- Hantam-Karoo, 'n streek in Suid-Afrika.
Bibliografie wysig
- www.sanbi.org