Harige septerboom
Die Harige septerboom (Paranomus tomentosus) is 'n blomdraende struik wat tot die genus Paranomus behoort en deel van die fynbos vorm. Die spesie is endemies aan die Wes-Kaap waar dit voorkom in die Sederberg.
| Harige septerboom | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Paranomus |
| Spesie: | P. tomentosus
|
| Binomiale naam | |
| Paranomus tomentosus (E.Phillips & Hutch.) N.E.Br., (1933)
| |
| Sinonieme | |
| |
Die struik word tot 3 m hoog en is die grootste spesie van die genus. Die boom blom van September tot November. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei in rotsagtige gebiede in sandsteen fynbos op hoogtes van 1000 - 1600 m.
In Engels staan die struik as die Hairy-leaf sceptre bekend. Die boom se FSA-nommer is 72.5[1]
