Harrison Ford
Harrison Ford (gebore op 13 Julie 1942) is ’n Amerikaanse akteur en rolprentvervaardiger. Hy is veral bekend vir sy rolle as Han Solo in die oorspronklike Star Wars-ruimtetrilogie en die titelkarakter van die Indiana Jones-franchise.
| Harrison Ford | |
| |
Ford in 2015.
| |
| Geboorte | 13 Julie 1942 |
|---|---|
| Aktiewe jare | 1966-tans |
Loopbaan
wysig
Ford het van die middel 1960's tot die middel 1970's ’n taamlik onsuksesvolle loopbaan in rolprente en op televisie gehad, met klein rolle waarin hy dikwels nie gepraat het nie. Die rolverdelingsdirekteur Fred Roos het vir hom ’n oudisie met George Lucas gereël vir die rol van Bob Falfa in American Graffiti (1973), wat hy gekry het.[1] Nadat die regisseur Francis Ford Coppola se prent The Godfather ’n sukses was, het hy Ford klein rolle in The Conversation (1974) en Apocalypse Now (1979) gegee.
Ford se werk vir Lucas in American Graffiti het in 1977 eindelik gelei tot sy eerste groot rol, dié van Han Solo in Star Wars en hy het internasionaal roem behaal. In Raiders of the Lost Ark (1981, ’n spanpoging van George Lucas en Steven Spielberg), het Ford homself as suksesvolle akteur bewys.[1] Hoewel Spielberg Ford van die begin af in die titelrol wou hê, was Lucas teensinnig omdat hy reeds saam met hom aan American Graffiti en Star Wars gewerk het. Hy het eindelik ingestem nadat Tom Selleck nie die rol kon aanvaar nie.[1][2]
Ford is ook bekend vir sy rolle as Rick Deckardin in die neo-noir-wetenskapsfiksieprent Blade Runner (1982), John Book in die 1985-riller Witness en Jack Ryan in die aksieprente Patriot Games (1992) en Clear and Present Danger (1994). In 2015 het hy weer die rol van Han Solo vertolk in Star Wars: The Force Awakens.
In sy loopbaan van ses dekades was hy ook te sien in die regsdrama Presumed Innocent (1990), die aksieprent The Fugitive (1993), die politieke aksieriller Air Force One (1997) en die sielkundige riller What Lies Beneath (2000). Ford is die akteur wat die meeste geld by die loket laat inrol het: internasionaal meer as $6 miljard.[3] As inflasie in ag geneem word, het hy in vyf van die top-30-prente in Amerika gespeel, meer as enige ander akteur/aktrise.[4][5]
Ford is getroud met die aktrise Calista Flockhart, wat die titelrol gespeel het in die gewilde TV-komediedramareeks Ally McBeal.
Verwysings
wysig- ↑ 1,0 1,1 1,2 Uit Inside the Actors Studio. Harrison Ford, seisoen 6, episode 613. 20 Augustus 2000
- ↑ (DVD) Indiana Jones: Making the Trilogy. Paramount Pictures. 2003.
- ↑ Robinson, Will (8 Januarie 2016). "Harrison Ford is now the highest-grossing actor in U.S. box office history". Entertainment Weekly (in Engels). Geargiveer vanaf die oorspronklike op 9 Oktober 2019. Besoek op 10 Januarie 2016.
- ↑ "All Time Box Office Adjusted for Ticket Price Inflation" (in Engels). Geargiveer vanaf die oorspronklike op 5 April 2019.
- ↑ "People Index". Box Office Mojo. Besoek op 21 Maart 2011.
Eksterne skakels
wysig- Harrison Ford by Box Office Mojo
- Harrison Ford in die Internet-rolprentdatabasis
Wikimedia Commons het meer media in die kategorie Harrison Ford.
Hierdie artikel is vertaal uit die Engelse Wikipedia
Onderhoude
- "Harrison Ford Interview". CinemasOnline. 2002. Geargiveer vanaf die oorspronklike op 11 Desember 2003. Besoek op 9 Maart 2006.
- Dawson, Angela (12 Junie 2003). "Harrison Ford: Hollywood loved him even before they knew him". The Cincinnati Post (Entertainment News Wire). E.W. Scripps Company. Geargiveer vanaf die oorspronklike op 27 Februarie 2005. Besoek op 19 Maart 2006.
- Honeycutt, Kirk (1986). "Harrison Ford on Harrison Ford". Daily News. Besoek op 19 Maart 2006.
- Leopold, Todd (9 Februarie 2006). "Harrison Ford and the movie machine". Cable News Network. Besoek op 19 Maart 2006.
- Rader, Dotson (7 Julie 2002). "I found purpose". Parade. Geargiveer vanaf die oorspronklike op 12 Augustus 2002. Besoek op 19 Maart 2006.
- Turan, Kenneth (1986). "Harrison Ford wants to be alone". GQ. Geargiveer vanaf die oorspronklike op 15 Februarie 2001. Besoek op 19 Maart 2006.