Heinkel He 219
Die Heinkel He 219 was 'n tweemotorige, Duitse nagvegvliegtuig wat deur die Luftwaffe gebruik is tydens die Tweede Wêreldoorlog. Hierdie vliegtuig het begin as Projek P.1060 in 1940 as 'n hoëspoed, multidoelige vliegtuig. Daar was weinige belangstelling in die ontwerp totdat die Geallieerdes se bomaanvalle begin het om die Duitse oorlogsmasjien te affekteer. Ernest Heinkel is versoek om die ontwerp te verander na 'n nagvegter en die prototipe maak voltooi sy nooiensvlug in November 1942. Die ontwerp was uniek, dit was die eerste vliegtuig met 'n driewiel-tipe onderstel en was ook toegerus met 'n uitskietstoel vir beide die vlieënier en die navigator. Hulle het rug-aan-rug gesit.
| Heinkel He 219 | |
|---|---|
 | |
| Tipe | Nag vegvliegtuig |
| Vervaardiger | Heinkel |
| Ontwerp deur | Robert Lusser |
| Nooiensvlug | 15 November 1942 |
| Bekendstelling | 1943 |
| Status | Uit diens gestel |
| Hoofgebruiker | Luftwaffe |
| Aantal gebou | ± 300 |
Die tweede prototipe is geëvalueer in simulasie luggevegte teen ander Luftwaffe vliegtuie en was so suksesvol dat daar onmiddellik 'n bestelling geplaas is.
Die He 219 Uhu (Arend-uil) was toegerus met radar wat vyandelike bomwerpers in die nag kon opspoor en was swaar bewapen. Die eerste prototipes was gebruik op 'n proefbasis te Venlo, Nederland in April 1943. Op 11 Junie 1943 het majoor Werner Streib vyf Britse Avro Lancasters afgeskiet in een vlug. Gedurende die eerste ses nag missies het die He 219 nagvegters twintig bomwerpers afgeskiet insluitend ses De Havilland Mosquitos. Des ondanks sy sukses is die He 219 nooit in groot getalle geproduseer nie, omrede 'n verskeidenheid sub-tipes ontwikkel is. Dit was alles om skeptiese offisiere te beïndruk. Na November 1944 het Duitsland grotendeels gefokus op die vervaardiging van straalvliegtuie met die gevolg dat die He 219 aan slegs een eskader, 1/NJG te Venlo uitgereik is. Individuele vliegtuie is aan ander eenhede uitgereik. Die Heinkel He 219 was 'n uitmuntende Duitse ontwerp wat nooit sy volle potensiaal bereik het nie as gevolg van swak besluitneming of onkundigheid van die Duitse offisiere, asook die besluitnemers.
Tegniese besonderhede
wysig
| Item | Statistiek |
|---|---|
| Aantal motors | 2 |
| Tipe motor | Skroef |
| Vervaardiger | Daimler-Benz DB 603E 12-silindermotors |
| Kraglewering per motor | 1800 perdekrag |
| Vlerkspan | 18,5 m |
| Lengte | 16,34 m |
| Hoogte | 4,1 m |
| Vlerkarea | 44.5 m2 |
| Normale opstyg massa | 15 100 kg |
| Maks. snelheid | 460 km/h |
| Operasionele hoogte | 9 800 m |
| Togafstand | 1 850 km |
| Klimvermoë | 552 m per minuut |
| Bewapening | Vier 20 mm kanonne, twee onder in die vliegtuig twee in die vlerke twee 30 mm kanonne wat vorentoe vuur uit kajuit |
Sien ook
wysigBron
wysig- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9