Heinrich Hollreiser

Heinrich Hollreiser (24 Junie 1913 - 24 Julie 2006) was 'n Duitse dirigent.

Hollreiser is gebore in München, en het die Hochschule für Musik und Theater in dieselfde stad bygewoon. Na sy studies is hy agtereenvolgens aangestel as dirigent van die operahuise in Wiesbaden, Darmstadt, Mannheim, en Duisburg. Hy het vanaf 1942 tot 1945 gedien as hoofdirigent van die Beierse Staatsopera, en gelyktydig hiermee gedien as musiekdirekteur van die Deutsche Oper am Rhein in Düsseldorf. Hollreiser het vanaf 1945 tot 1951 verskeie konserte gedirigeer vir die Berlynse Filharmoniese Orkes, Bamberg Simfonieorkes, Hamburgse Radio Simfonie-orkes, Keulense Radio-simfonieorkes en die Frankfurt Radio-simfonieorkes. Hy het ook verskeie keer opgetree as gasdirigent in Madrid en Barcelona. Na 1951 het hy gedien as hoofdirigent van die Weense Staatsopera. In diè tyd het hy die eerste Oostenrykse opvoering gedirigeer van Strawinski se The Rake's Progress

In een van sy opnames saam met die Bamberg Simfonieorkes word sy naam aangegee as "George Richter".