Heliopolitans
Die Heliopolitans is 'n fiktiewe groep gode wat in strokiesverhale van Marvel Comics verskyn. Hulle is hoofsaaklik op die gode van antieke Egipte, of die Ennead, gebaseer.
Geskiedenis
wysigKarakters wat op die gode van antieke Egipte gebaseer is, is die eerste keer genoem in Captain America Comics #20 (November 1942), wat gepubliseer is deur Timely Comics, die voorloper van Marvel Comics. Daarin ondersoek Captain America en Bucky die moord op kolonel Fitzpatrick, wat die Book of Thoth bestudeer het teryl hy in Egipte gestasioneer was.[1]
Die Heliopolitans se eerste volle verskyning in die goue era van strokiesverhale (tussen 1938 en 1956) was in die storie "The Terror That Creeps" deur Stan Lee en Werner Roth, wat gepubliseer is in Marvel Tales #96 (Junie 1950). Dit gaan onder meer oor 'n man wat misluk om die publiek te oortuig dat die Groot Sfinks van Giza algaande na die kant van die woestyn beweeg waar dit bemagtig sal word deur die god Set en die mens sal vernietig.[2] Die godin Bast het later haar eerste verskyning gemaak (as 'n totem) saam met die Black Panther in Fantastic Four #52 (Julie 1966), waarin die god net Panther God genoem is. In Black Panther vol. 3 # 21 is onthul dat die Panther God Bast is.[3][4]
Baie van die ander gode, soos Horus, Isis en Osiris, is bekend gestel in Thor #239 (September 1975).[5] Khonshu, wat later verbind is met Moon Knight, het die eerste keer verskyn in Moon Knight #1 (November 1980).[6] Joseph Muszynski skryf in sy boek Everything I Needed to Know About Life I Learned from Marvel Comics dat die bekendstelling van Egiptiese gode "ons neiging om verskeidenheid te geniet" bevredig het omdat die panteon verskeie gode bevat het, in teenstelling met die Joods-Christelike godsdienste.[7]
Die panteon
wysig- Anubis – die god van die hiernamaals
- Atum – die god van die son
- Bast – die god van plesier, poësie en dans
- Bes – die god van geluk
- Geb – die god van die aarde
- Horus – die god van die son
- Isis – die godin van vrugbaarheid
- Khonshu – die god van die maan
- Neith – die godin van die aarde
- Nun – die god van die waterwêreld
- Nut – die godin van die lug
- Osiris – die god van die dooies
- Ptah – die god van ambagslui en argitekte
- Sekhmet – die god van oorlog
- Set – die god van chaos en skepping
- Seth – die god van die bose en die dood
- Sobek - die god van riviere
- Thoth – die god van wysheid
Verwysings
wysig- ↑ Captain America Comics #20 (November 1942). Marvel Comics.
- ↑ Marvel Tales #96 (Junie 1950). Marvel Comics.
- ↑ Anthony Flamini, Greg Pak, Fred van Lente & Paul Cornell, Thor & Hercules: Encyclopaedia Mythologica, Marvel Comics, Julie 2009.
- ↑ Fantastic Four #52 (Julie 1966). Marvel Comics.
- ↑ Thor #239 (September 1975). Marvel Comics.
- ↑ Moon Knight #1 (November 1980). Marvel Comics.
- ↑ Muszynski, Joseph (7 Mei 2017). Everything I Needed to Know About Life I Learned from Marvel Comics. Lulu. ISBN 978-1365686740.
Skakels
wysig- Heliopolitans in die Marvel Database, 'n wiki van Marvel Comics
Hierdie artikel is in sy geheel of gedeeltelik uit die Engelse Wikipedia vertaal.
