Hermann von Waltershausen
Hermann Wolfgang Sartorius Freiherr von Waltershausen (* Göttingen, 12 Oktober 1882 – † München, 14 Junie 1954) was 'n Duitse komponis, dirigent, pedagoog en skrywer.
Hermann von Waltershausen | |
|---|---|
| Gebore | 12 Oktober 1882 Göttingen |
| Sterf | 14 Junie 1954 (op 71) München |
| Genres | Klassiek |
| Beroep(e) | Komponis |
Lewe en loopbaan
wysigHy was die seun van die ekonoom August Sartorius von Waltershausen (1852–1938) en sy vrou Charlotte Freiin von Kapherr, 'n afstammeling van die geskiedkundige Georg Friedrich Sartorius. Hy het van 1901 tot 1907 komposisie studeer by Ludwig Thuille in München.[1] Hy het ook van 1905 tot 1915 klavier gestudeer onder August Schmid-Lindner.
Op die ouderdom van nege jaar is Von Waltershausen met Hodgkin se siekte gediagnoseer. Ten einde die verspreiding daarvan te verhoed het dokters sy regterarm en -been geamputeer.[2] Dit het Waltershausen egter nie daarvan weerhou om 'n musikale loopbaan na te jaag nie - hy het gespesialiseer in linkshandige klavieruitvoerings met Schmid-Lindner, en het met sy linkerhand gedirigeer.
Von Waltershausen se grootste professionele sukses was die opera Oberst Chabert, wat hy aangepas het van die roman deur Honoré de Balzac. Die karakterisering en patos van Waltershausen se libretto was wyd bewonder deur sy tydgenote, dikwels in groter mate as die musiek self. Die komponis en kritikus Edgar Istel het as volg kommentaar gelewer, "Alhoewel Waltershausen homself nog nie bewys het as 'n musikant van groot belang nie, moet mens sy ontwikkeling as dramaturg met groot belang dophou."[3] Waltershausen het ook die libretto geskryf vir Hermann Zilcher se komiese opera Doktor Eisenbart.
Oorblywende werke, uitgawes en opnames
wysigBaie van von Waltershausen se komposisies is tydens die Tweede Wêreldoorlog vernietig, die volgende lys verteenwoordig werke wat steeds bestaan in gepubliseerde vorm of in manuskripvorm in von Waltershausen se dokumente in die Stadtbibliothek München.[4]
Operas
wysig- Else Klapperzehen, Musikalische Komödie in 2 dele (1907, Dresden 1909)
- Oberst Chabert, op. 10 Musikale tragedie in 3 dele na die roman Colonel Chabert deur Honoré de Balzac. (1910, Frankfurt 1912). Opname: Bo Skovhus, Raymond Very, Manuela Uhl, Simon Pauly, Orchester der Deutschen Oper Berlin, Jacques Lacombe CPO 2010
- Richardis, Romantische Oper in 3 dele (1914, Karlsruhe 1915)
- Die Rauhensteiner Hochzeit, Opera in 3 dele (1918, Karlsruhe 1919)
- Die Gräfin von Tolosa, Opera in 2 Dele (gekomponeer 1932–36, radiokonsert Bayerischer Rundfunk München 1958)
Orkes - en kamerwerke
wysig- Strykkwartet, op. 16 (1915)
- Apokalyptische Symphonie, op. 19 (1924)
- Hero und Leander, Symphonie op. 20 (1925)
- Krippenmusik, op. 23 (1926), vir klavesimbel en kamerorkes
- Orchesterpartita, op. 24 (1928)
- Lustspiel-Ouvertüre, op. 26 (1930)
- Passions- und Auferstehungsmusik, op. 27 (1932) vir twee hobos, twee horings en strykkwintet
Vokale werke
wysig- Acht Gesänge, op. 11 (1913)
- Zwei Lieder, aus dem Nachlaß (1913)
- Ricarda Huch-Lieder, op. 12 (1913)
- Drei weltgeistliche Lieder, op. 13 (1913)
- Cophtisches Lied, op. 15 (1914)
- Alkestis, Melodram op. 25 (1929), vir spreker, koor en groot orkes
- Die Wunder der Julnächte (1934), vir kinderkoor
Klaviermusiek
wysig- Polyphone Studien, op. 21 (1921)
- Chopin-Bearbeitungen (1943), rangskikkings van Chopin vir die linkerhand
- Fuga in c-Moll (1953)
- Fuga in B-Dur (über B-A-C-H) (1954)
Verwysings
wysig- ↑ Plett - Schmidseder K. G. Saur Verlag GmbH & Company - 2005 "Hermann W. von Waltershausen, composer, * 12.10.1882, Göttingen; t 14.6.1954, Munich. S, v. W., the son of August —> S. v. W., studied composition with Ludwig —>Thuille and piano with August —>SchmidLindner in Munich and attended ...
- ↑ Hanspeter Krellmann, 'Der Unauffällige: Hermann Wolfgang von Waltershausen und seiner Oper Oberst Chabert', CD booklet for cpo 777 619-2
- ↑ Istel, Edgar (April 1915). "German Opera since Richard Wagner (trans. Janet Wylie)". The Musical Quarterly. 1 (2): 260–290. JSTOR 737850.
- ↑ Danler, Karl-Robert (1984). Komponisten in Bayern, Band 4: Hermann W. Von Waltershausen. 1984: Hans Schneider. ISBN 3 7952 0419 4.
{{cite book}}: AS1-onderhoud: plek (link)