Hillbrow is 'n voorstad van Johannesburg, geleë in die F-streek (middestad) op een van die Goudstad se hoogste koppies, met 'n bevolking van 74 131 (2011), van wie 72 888 Swart, 638 Bruin, 296 Wit en 189 Indiërs was.[1]

Hillbrow
'n Uitsig oor Hillbrow met die Hillbrow-toring
'n Uitsig oor Hillbrow met die Hillbrow-toring
Hillbrow is in Gauteng
Hillbrow
Hillbrow
 Hillbrow se ligging in Gauteng
Koördinate: 26°11′20″S 28°2′56″O / 26.18889°S 28.04889°O / -26.18889; 28.04889Koördinate: 26°11′20″S 28°2′56″O / 26.18889°S 28.04889°O / -26.18889; 28.04889
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
Oppervlak
 • Totaal1,08 km2 (0,42 vk. myl)
Bevolking
 (2011)[1]
 • Totaal74 131
 • Digtheid68 640/km2 (177 800/vk. m.)
Rasverdeling (2011)
 • Blank0,4%
 • Indiër/Asiër0,3%
 • Kleurling0,9%
 • Swart98,3%
 • Ander0,16%
Taal (2011)
 • Zoeloe 36,7%
 • Suid-Ndebele 16,2%
 • Engels 9,7%
 • Noord-Sotho 7,1%
 • Ander 30,3%
Poskode (strate)
2001
Poskode (posbusse)
2038
Skakelkode010
Residensiële toringblokke in Hillbrow het immigrante uit Europa tot in die 1980's van eerste huisvesting in Johannesburg voorsien. Die buurt se kosmopolitiese karakter, met gewilde cafés soos Café Wien, Café Zürich en Café Berlin, en rolprentteaters soos Mini-Cine in Pretoriastraat, een van min plekke in die Goudstad waar rolprente in vreemde tale vertoon is,[2] het uiteenlopende Europese agtergronde weerspieël. Die foto wys die Café Wien in 1980

Hillbrow is in 1894–95 aangelê en is reeds jare lank een van die digbevolkste gebiede ter wêreld met 'n bevolkingsdigtheid van meer as 68 000/km² in 2011. Die naam is afgelei van die feit dat dit geleë is op 'n heuwel ("hill") se rand ("brow").[3] Hillbrow was en is die tradisionele ingangspoort vir nuwelinge wat 'n heenkome in die stad se plaaslike en transnasionale ekonomie probeer vind, al het die etniese samestelling sedert die 1980's ingrypend verander.

In die tyd van die ou bedeling was Hillbrow 'n kosmopolitaanse buurt vir inheemse blankes of nuwe (wit) immigrante uit Europa, asook die eerste buurt waar gay en lesbiese Suid-Afrikaners 'n infrastruktuur vir hul kulturele en vermaakbehoeftes kon vestig. Dit was daarnaas een van die eerste "grys" woongebiede waar swart Suid-Afrikaners hulle in groter getalle begin vestig het, ondanks die voorstad se klassifikasie as uitsluitlik blanke gebied volgens die bepalings van die groepsgebiedewet.

VerwysingsWysig

  1. 1,0 1,1 1,2 1,3 1,4 "Subplek Hillbrow". Sensus 2011.
  2. Tim Ecott: Stealing Water. London: Stodder & Houghton 2008 (en)
  3. (en) Raper, Peter Edmund (2004). New Dictionary of South African Place Names. Johannesburg & Cape Town: Jonathan Ball Publishers. |access-date= requires |url= (help)

Eksterne skakelsWysig

Media
Dokumentêrs