Hipochloriet

Eienskappe

Algemeen
Naam	Hipochloriet
Lys van anione

'n Hipochloriet is 'n sout wat die anioon ClO^- bevat, wat die suurres van onderchlorigsuur HOCl is.

Bleikmiddel, 'n oplossing van natriumhipochloriet

Die chlooratoom het 'n oksidasietoestand van +1. Hipochloriete is sterk oksidante.

Produksie

Die elektrolise van pekel lewer chloorgas Cl₂ en natronloog (bytsoda), 'n oplossing van natriumhidroksied NaOH. By lae temperature kan hulle 'n autoredoksreaksie ondergaan wat chloried- en hipochlorietione vorm:

$Cl_{2}\to Cl^{+}+Cl^{-}$

$Cl^{+}+OH^{-}\to HOCl$

$Cl_{2}+2OH^{-}\to HOCl+OH^{-}+Cl^{-}\to H_{2}O+ClO^{-}+Cl^{-}$

In basiese oplossings is die hipochloriet-ioon stabiel maar by toevoeging van soutsuur HCl word onderchlorigsuur HOCl en uiteindelik Cl₂ teruggevorm.

Toepassings

Bleikmiddel is 'n oplossing van natriumhipochloriet en word baie in die huishouding gebruik. Kalsiumhipochloriet is die aktiewe bestandeel van watersuiweringstablette vir drinkwater en opgaartenks.

Sien ook

• Lys van anione