Hoofmeisie
Hoofmeisie is 'n Afrikaanse rolprent wat op 23 Desember 2011 in teaters dwarsoor Suid-Afrika begin draai het. Dit is in Johannesburg verfilm. Die vervaardig is Danie Bester, die regisseur Morne du Toit en die skrywers is Henk Pretorius en Samuel Ferreira.
| Hoofmeisie | |
|---|---|
| Regisseur | Morne du Toit |
| Produksieleier | Danie Bester |
| Draaiboek | Henk Pretorius Samuel Ferreira |
| Met | Ruan Wessels Lida Botha Christel van den Bergh |
| Musiek deur | Die Kat Se Snor |
| Ateljee | The Film Factory |
| Uitgereik | 23 Desember 2011 |
| Land | Suid-Afrika |
| Taal | Afrikaans |
| Amptelike webtuiste | |
| IMDb-profiel | |
Genre
wysigDie rolprent is 'n komedie. Dit het geen ouderdomsperk nie en is geskik vir die hele gesin.
Hoofrolspelers
wysig- Ruan Wessels as Rikus
- Lida Botha as tannie Betsie
- Christel van den Bergh as Martie
- Karen Wessels as juffrou Prinsloo
- Marie Pentz as ouma Anna
- Annemicke Kotze as Melissa
- Nazli George as Dorethea
- Mish'a el de Beer as Nadia
- Tina Kruger as Juf Reynecke
- Hannes Muller as Llewellyn
- Melissa Massyn as Susan
- Doktor Khabu-Nkatho as polisievrou
- Jamie Lawrence as Hetwieg
- Karen Fourie as Jakoba
- Johan van der Merwe as mnr. Gouws
- Izak Davel as homself
Storielyn
wysigDie rolprent handel oor drie meisies op laerskool, wat onder hul dominerende mammies dieselfde droom deel - om eendag hoofmeisie van Laerskool Stumbo Pops te word. Nadia van Heerden (12) is 'n liefdevolle en gemotiveerde weeskind met dieselfde droom. Ongeag haar siniese ouma se advies om nie eers te probeer kompeteer nie, gaan sy voluit vir die gesogte bronsbalkie. Nadia weet dit sal haar oorlede ma en pa verskriklik trots maak. Sy behaal gou sukses wanneer sy redenaars wen, maar mislukkings met netbal proewe, entrepreneursdag en akademie is net die begin van haar probleme. Wanneer sy oortuig is dat haar beste vriendin, Melissa, haar in die rug gesteek het, rebelleer Nadia teen almal wie vir haar omgee. Sy word gou 'n selfgesentreerde snip wat enigiets sal doen vir die titel van Hoofmeisie. Uiteindelik leer Nadia dat 'n ware leier van agter af lei, en 'n voorbeeld van eerlikheid en onselfsugtigheid behoort te wees.
Sien ook
wysigEksterne skakels
wysig- Die rolprent se webtuiste Geargiveer 7 Desember 2011 op Wayback Machine
- Rolprent se Facebook-blad
- Agter Die Skerms op YouTube
