Hou die blinkkant bo
Hou die Blink Kant Bo is 'n Afrikaanse rolprent wat in 1960 vrygestel is. Die regisseur was Emil Nofal en die hoofrolle is deur Al Debbo, Trudy Rossouw en Sarah Sylvia vertolk.
| Hou die Blink Kant Bo | |
|---|---|
| Regisseur | Emil Nofal |
| Produksieleier | Willie Herbst |
| Met | Al Debbo Trudy Rossouw Sarah Sylvia |
| Kinematografie | Vincent G. Cox Vernon Whitten |
| Redigeerder | Elmo de Witt |
| Uitgereik | 1960 |
| Speeltyd | 84 minute |
| Land | Suid-Afrika |
| Taal | Afrikaans |
| IMDb-profiel | |
Genre
wysigDie rolprent is 'n komedie. Dit het geen ouderdomsperk nie.
Hoofrolspelers
wysig- Al Debbo as Klaas Haasbroek
- Trudy Rossouw as Linda Rossouw
- Sarah Sylvia as Mev. Goldberg
- Emsie Botha as Elsie Pienaar
- Willie Herbst as Fanus
- Taffy Kikillus as Herman Engelbrecht
- Willem Loots as Jaco Theron
- Douglas Fuchs as Mnr. Rossouw
- Johan du Plooy
- Sadie Festenstein
- Johan Eloff
- Dawid van der Walt
- Jerry Kettler
- Christo Gerber
- Lucas Mulaudzi
- Moya Meaker as haarself
- Jamie Uys as homself (nie gekrediteer nie)
Storielyn
wysigDie arme Klaas Haasbroek het dit maar moeilik by sy werk, 'n maatskappy waar speelgoed getoets word. Hoewel hy hom goed van sy taak kwyt, 'steel' sy kollega, Herman Engelbrecht sy voorstelle oor die speelgoed en is die bestuurders onder die indruk dat Herman verantwoordelik is vir die maatskappy se finansiële sukses. Klaas het egter nie die selfvertroue om sy base die waarheid te vertel en Herman aan die kaak te stel nie. In sy losieshuiskamer begin sy spieëlbeeld op 'n dag ernstig met hom gesels oor sy lamsakkigheid. Dié beeld, wat sy ego en ambisie verteenwoordig, sê hom hy sal die bul by die horings moet pak as hy van 'n nuwe werk 'n sukses wil maak. Die temperamentele regisseur Jaco Theron gee hom werk as filmakteur en hy word 'n ster. Hy maak geld soos bossies en speel teenoor sy gunsteling aktrise Linda Engelbrecht (Herman se vrou). Nou is hy skielik kaatjie van die baan en hy stry met sy spieëlbeeld, so erg dat hy die spieël breek. Einde van sy geluk, einde van sy filmsterstatus. Maar, gelukkig vir hom kom Herman se oneerlikheid by die speelgoedmaatskappy aan die lig en hy word gevra om sy plek te vul. Hy vra terstond sy sekretaresse om met hom te trou.
