Douglas Fuchs

Douglas Fuchs was 'n Suid-Afrikaanse akteur, een van die eerste voltydse Afrikaanse omroepers, direkteur-generaal van die SAUK, 'n lid van die Appèlraad op Publikasies en 'n Afrikaanse kultuurleier.

Douglas Fuchs
Geboortenaam	Carl Douglas Fuchs
Geboorte	~1914
Sterfte	18 Augustus 1998 Indiese Oseaan
Nasionaliteit	Suid-Afrika
Beroep(e)	Omroeper, akteur, kultuurleier
Internet-rolprentdatabasis-profiel

Fuchs het in 1935 'n graad in die lettere aan die Universiteit van Kaapstad voltooi waarna hy by die SAUK as een van die eerste Afrikaanse omroepers aangesluit het. Hy was ook betrokke by die begin van die televisiediens in Suid-Afrika, hoewel hy afgetree het toe daar met uitsendings begin is. By sy aftrede in 1975 was hy die direkteur-generaal van die SAUK gewees.

Hy het die Dekorasie vir Voortreflike Diens (Silwer) van die staatspresident ontvang.

In 1958 het die FAK sy voorstel vir 'n Afrikaanse taalfeestema: "Die Wonder van Afrikaans" aanvaar. Hy was 'n aanbieder van opvoerings by die Voortrekkermonument tydens die feesvieringe in 1959 gewees.

Hy sterf in 1998 tydens 'n bootreis op die Symphony op die Indiese Oseaan.

Filmografie

• Niemand weint für immer, 1984 as Robert Collins
• Broer Matie, 1984 as Kol. Vos
• Jy's Lieflik Vanaand, 1962 as Swanepoel
• Man in die Donker, 1962 as Dr. Jacobs
• Die Tweede Slaapkamer, 1962
• Doodkry is Min, 1961
• Hou die Blink Kant Bo, 1960 as Mnr. Rossouw
• Rip van Wyk, 1959 as Professor
• Fratse in die Vloot, 1958 as Mnr. de Beer