Rip van Wyk

Rip van Wyk is 'n swart en wit Afrikaanse rolprent wat op 4 April 1960 uitgereik is. Die storielyn is gegrond op die sprokie van Rip van Winkel. Dit was die eerste rolprent wat die filmmaker Emil Nofal vervaardig het. Die regisseur en hoofrolspeler was Jamie Uys. Uys is vir sy spel in die fliek deur die Royal Society of Arts in Londen met die Statebondstoekenning van 1960 bekroon.

Rip van Wyk
Regisseur	Jamie Uys
Produksieleier	Emil Nofal
Met	Jamie Uys Gert van den Bergh Wyona Cheyney Douglas Fuchs Johan Malherbe
Musiek deur	Richard Cherry
Kinematografie	Vernon Whitten
Redigeerder	Peter Henkel
Ateljee	Jamie Uys Filmproduksies
Uitgereik	4 April 1960
Speeltyd	84 min
Land	Suid-Afrika
Taal	Afrikaans
IMDb-profiel

Genre

Die rolprent is 'n komiese fantasie en goeie gesinsvermaak.

Hoofrolspelers

• Jamie Uys as Rip van Wyk (hoofrol)
• Gert van den Bergh as "Oom"
• Wyona Cheyney as Rina Viljoen / Annette de Witt
• Douglas Fuchs as Professor
• Johan Malherbe as Theunis Barnard
• Pieter Hauptfleisch as Van der Merwe
• Johan du Plooy as fotograaf
• Ian Strauss as Ducktail
• Ralph Loubser

En andere.

Storielyn

'n Vrystaatse boer slaap vir honderd jaar, en toe hy wakker word, bevind hy hom op 'n yslike dorp wat intussen op sy plaas ontstaan het. Hy poog om die ontwikkelinge te begryp en by die moderne lewe aan te pas.

Sien ook

• Lys van Afrikaanse rolprente