Hulsboom
Die hulsboom (orde Aquifoliaceae) is 'n houtagtige plant met enkelvoudige blare wat afwisselend of teenoorstaande op 'n tak gerangskik is. Die klein, groen blommetjies is onopvallend, vier- of vyftallig, en het meestal net een blom met meeldrade en 'n stamper. Die bostandige vrugbeginsel is veelhokkig en het verskillende sade. Die hulsboom (Ilex aquifolium) is inheems in Europa en die Middellandse Seegebied. Die hulsboom (Engels: holly) word tradisioneel met Kersfees verbind.
| Hulsboom | |
|---|---|
| |
| Ilex aquifolium | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | Ilex |
| Spesies | |
|
Sien teks | |
Die hulsboomfamilie (Aquifoliaceae) het drie genera met altesaam sowat 450 spesies. Die familie word meestal in die Noordelike Halfrond aangetref, maar van die spesies word ook in Suid-Afrika gevind. Die bome is immergroen; sommiges het stekelrige blare en ander het gladde, leeragtige blare. Manlike en vroulike blomme kom voor en laasgenoemde produseer rooi of swart bessies. Die algemene hulsboom (Ilex aquifolium) kan tot 25 m hoog word. Dit het 'n dun stam met 'n grys bas. Die blare is dik, stekelrig en donkergroen van kleur.
Klein, wit blommetjies groei in trosse in die oksels van die blare. Die hulsboom is tweehuisig. Die vrugte van die vroulike boom is rond en helderrooi. Die vrugte en blare is in Europa baie gewild as Kersversierings. In Februarie eet die voëls gewoonlik die bessies. Die hulsboom groei meestal wild, veral in woude en op dyke. In Suid-Afrika word die lIex mitis, ook bekend as without, aangetref. Die boom kan tot 30 m hoog word en groei langs riviere en in immergroen woude. Hoewel die hout hard en fyn van tekstuur is, word dit nie juis gebruik vir die maak van meubels nie omdat dit in woude groei waar waardevolle hout voorkom. Die hout word ook meestal vir ligte meubels en paneelwerk gebruik.
Bron
wysig- Wêrelspektrum, 1982, ISBN 0-908409-52-4 band
Eksterne skakels
wysig
Wikimedia Commons het meer media in die kategorie Hulsboom.
Wikispecies het meer inligting verwant aan Hulsboom- (en) "Aquifoliaceae". Encyclopædia Britannica. Besoek op 26 Augustus 2019.
