IAI Kfir

Die Israel Aircraft Industries Kfir is 'n Israeliesvervaardigde alle weerstoestand, multirolvliegtuig wat gebaseer is op die Franse Dassault Mirage 5 se romp, toegerus met Israeliese avionika en 'n Israeliesvervaardigde weergawe van die General Electric J79 turbostraalmotor soos gebruik in die McDonnell Douglas F-4 Phantom II.

IAI Kfir
Amerikaanse Vloot F-21A
Tipe	Vegvliegtuig, bomwerper
Vervaardiger	Israel Aerospace Industries
Nooiensvlug	19 Oktober 1970
Vrygestel	1976
Status	In gebruik
Hoofgebruikers	Israeliese Lugmag (histories) Amerikaanse Vloot (histories) Colombiaanse Lugmag Sri Lankaanse Lugmag
Aantal gebou	220+

Teen die tyd wat die produksiemodelle vervaardig is, is die romp wat gebruik was dié van die Israeliesvervaardigde Mirage 5 (Nesher) en toegerus met Israeli elektronika. Slegs 27 model C1's is gebou en 25 is verkoop aan die Amerikaanse Vloot en die Amerikaanse Marinierskorps. Hulle het dit gebruik in 'n aggressor-opleidingsrol; hier is die vliegtuig die F-21A genoem. Die eerste van 185 Kfir C2's is in 1976 in diens gestel, die prototipe het reeds in 1974 gevlieg. Daar is twee kanardvlerke aan die neusgedeelte (voor die luginlate) geheg. Alle C1's is later opgegradeer na die C2-standaard.

Die Kfir C-7 is in 1983 in diens gestel, 'n verbeterde weergawe van die C-2. Dit het oor 'n kragtiger motor beskik met verbeterde vermoëns. Dit kan ook die slim wapens dra, die kajuit is gesofistikeerd en dit beskik oor invlughervulling.

Tegniese besonderhede

Besonderhede van die IAI Kfir-C7:

Item	Statistiek
Aantal motors	1
Tipe motor	Straalmotor
Vervaardiger	IAI/General Electric J79 turbostraal met nabrander
Kraglewering per motor	8 112 kg stukrag
Vlerkspan	8,22 m
Lengte	15,65 m
Hoogte	4,55 m
Vlerkoppervlakte	34,8 m2
Maks. opstygmassa	16 500 kg
Maks. snelheid	2 440 km/h
Operasionele hoogte	17 690m
Togafstand	882 km
Klimvermoë	13 989 m per minuut
Bewapening	Twee 30 mm kanonne 5 punte onder romp en 2 onder vlerke vir AIM-9 Sidewinder, Python of Shafir lug-tot-lugmissiele of anti-radar-missiele of bomme.

Sien ook

• Lys van vegvliegtuie

Bron

• Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9