InterCityExpress

Die InterCityExpress (ICE, oorspronklik InterCity Experimental genoem) is die hoësnelheidstrein van die Duitse Spoorweë (Deutsche Bahn).

Huidige ICE-trein (tipe 3)

Die huidige ICE-logo

In teenstelling met die Franse TGV of die Japannese Shinkansen-stelsel is die lokomotiewe, waens, snelspore en bedryf nie as 'n stelsel in geheel ontwerp nie, wat meebring dat die ICE sy maksimumsnelheid van 330 kilometer per uur tans slegs op bepaalde, nuut opgerigte dele van die spoorwegnet kan bereik.

ICE-trein tipe 1 (1989/1991)

Die ICE verbind die belangrikste Duitse stede met mekaar; sy internasionale bestemmings is Amsterdam, Brussel, Zürich, Basel, Luik, Interlaken, Chur, Innsbruck en Wene.

Vanaf die jaar 2007 word 'n verbinding tussen Parys en Frankfurt am Main beplan, wat saam met die bestaande TGV-verbinding tussen Parys en Stuttgart deel uitmaak van die Europese hoësnelheidsverbinding LGV Est européenne / POS (Parys-Oos-Frankryk-Suid-Duitsland).

ICE Sprinter

Die ICE Sprinters is tans die vinnigste treinverbindings tussen die Duitse metropole. Hulle ry veral soggens en saans en is as 'n alternatief vir die vliegtuig gemik op sakereisigers en pendelaars. Die Sprinters verbind Frankfurt am Main met Berlyn, Hamburg en München, met 'n reistyd van drie uur en twintig minute.

Eksterne skakels

• ICE-Fansite.de Geargiveer 1 Julie 2006 op Wayback Machine (Die webtuiste vir ICE-geesdriftiges bied meer inligting en 'n geselshoekie)
• ICE-Fanpage.de ('n Ander webwerf met baie inligting oor die ICE)