iPhoto
iPhoto is ’n digitale fotomanipulasiesagtewaretoepassing wat deur Apple Inc. ontwikkel is en word saam met elke Macintosh persoonlike rekenaar as deel van die iLife-pakket van digitale mediabestuurtoepassings. Dit is vir die eerste keer in 2002 vrygestel en die toepassing kan digitale foto’s imvoer, organiseer, redigeer, druk en deel.
| iPhoto | |
| |
| |
Skermgreep van iPhoto ’11
| |
| Ontwikkelaar | Apple Inc. |
|---|---|
| Aanvanklike vrystelling | 7 Januarie 2002 |
| Gestaak | 8 April 2015; vervang deur Foto’s |
| Nuutste weergawe | 9.6.1/ 19 Maart 2015 |
| Bedryfstelsel | OS X |
| Lisensie | Eiendomsagteware |
| Webblad | Apple - iPhoto |
iPhoto word dikwels vergelyk met Google se Picasa, CyberLink se MediaShow, Adobe se Photoshop Album, Phase One se Media Pro en Microsoft se Windows Live Photo Gallery. iPhoto 9, die nuutste weergawe van die sagteware, is vrygestel as deel van die iLife ’11-pakket op 20 Oktober 2010.
Op 7 Maart 2012 het Apple se HUB, Tim Cook ’n nuwe, iOS-inheemse weergawe van iPhoto saam met die derde generasie iPad bekendgestel.
Beskrywing
wysigMac-weergawe
wysigiPhone is ontwerp om die invoer van prente van digitale kameras, skandeerders, prent-CD’s en die Internet toe te laat sodat die gebruiker die prente in die gebruiker se iPhoto-biblioteek geplaas kan word. Naastenby alle digitale kameras word erken sonder addisionele sagteware, soos baie skandeerders ook. iPhoto ondersteun die mees algemene lêerformate.
Nadat foto’s ingevoer is, kan dit getitel, geëtiketteer, gesorteer en georganiseer word in groepe (bekend as “gebeure”). Indiwiduele foto’s kan geredigeer word met basiese beeldmanipuleringswerktuie soos ’n rooi-oogfilter, kontras en helderheidsverstellings, knip en grootte-aanpassingswerktuie en ander basiese funksies. iPhoto bied egter nie die omvattende redigeringsfunksionaliteit van programme soos GIMP, Apple se eie Aperture of Adobe se Photoshop (moet nie Photoshop verwar met Elements of Album nie).
iPhoto bied talle opsies vir die deel van foto’s. Foto-albums kan omgeskep word in dinamiese skyfievertonings met die opsie om musiek van iTunes af in te voer. Hierdie skyfievertonings kan uitgevoer word na QuickTime-vidoelêers, verdergewysig word in iMovie of direk op DVD-Videoskywe geskryf word met iDVD. Skyfievertonings en statiese foto’s kan gedeel word met ander Macs via ’n plaaslike netwerk of deur gebruik te maak van die Bonjour “geen-verstellingsnetwerk”-tegnologie. iPhoto kan ook foto-albums sinkroniseer na enige iPod met ’n kleurskerm. Hierdie iPods mag ook ’n oudio/video-uitset hê om die foto’s te laat terugspeel saam met musiek op enige moderne televisie. Benewens dit kan foto’s na ’n plaaslike drukker gestuur word of in sekere markte kan dit via die internet gestuur word na Kodak vir professionele drukwerk. iPhoto-gebruikers kan ’n reeks van produkte bestel, insluitend standaard uitdrukke, kaarte, kalenders en 100-bladsy hardeband- of sagtebanduitgawes — maar sulke dienste is slegs beskikbaar aan gebruikers in sekere markte.[1]
iOS-weergawe
wysigTydens ’n Apple mediageleentheid op 7 Maart 2012 het Tim Cook ’n nuwe weergawe van iPhoto vir gebruik op die iOS mobiele bedryfstelsel aangekondig.[2] iPhoto vir iOS is daardie dag beskikbaar gestel op die Toepwinkel vir $4.99 saam met die reeds vrygestelde iMovie en GarageBand vir iOS. Dit word amptelik ondersteun op die iPhone 4, iPhone 4S, iPad 2 en 3de generasie iPad maar stelselindringers het gevind dat dit handmatig geïnstalleer kan word op ouer modelle deur gebruik te maak van Apple se iPhone Verstellingsnutstoepassing.[3]
iPhoto vir iOS bied eienskappe wat redelik vergelykbaar is met die Mac-eweknie. Dit kan foto’s organiseer wat gesinkroniseer is met die toestel of wat met die kamera geneem is. Redigeringseienskappe sluit in kleurkorrigeringswerktuie en foto-effekte asook knip en regtrekwerktuie. iPhoto vir iOS skort werktuie om boeke, kalenders en kaarte te skep en uitdrukke te bestel maar dit kan “Fotodagboeke” skep — digitale fotocollage wat na Apple se iCloud opgelaai en gedeel kan word.[4]
iPhoto vir iOS is krities goed ontvang as gevolg van sy professionele werktuie en goeie werkverrigting.[5]
Weergawegeskiedenis
wysigMac
wysig| Weergawe | iLife | Bekendstelling | Mac OS | Binêre |
|---|---|---|---|---|
| iPhoto 1 | – | 7 Januarie 2002[6][7] | 10.1 | PowerPC |
| iPhoto 2 | iLife | 3 Januarie 2003 | 10.1 | PowerPC |
| iPhoto 4 | iLife '04 | 6 Januarie 2004 | 10.2.6 | PowerPC |
| iPhoto 5 | iLife '05 | 11 Januarie 2005 | 10.3.4 | PowerPC |
| iPhoto 6 | iLife '06 | 10 Januarie 2006 | 10.4.3 | Universeel |
| iPhoto 7 | iLife '08 | 7 Augustus 2007 | 10.4.9 | Universeel |
| iPhoto 8 | iLife '09 | 7 Januarie 2009 | 10.5.6 | Universeel |
| iPhoto 9 | iLife '11 | 20 Oktober 2010 | 10.6.3 | Intel |
| iPhoto 9.5 | – | 22 Oktober 2013 | 10.9 | Intel |
iOS
wysig| Weergawe | Vrystellingsdatum | iOS |
|---|---|---|
| iPhoto vir iOS 1.1 | 19 September 2012 | 6.0 |
| iPhoto vir iOS 2.0 | 22 Oktober 2013 | 7.0 |
Verwysings
wysig- ↑ "Apple — iPhoto — Skep jou eie fotoboeke, kalenders en kaarte" (in Engels). Apple Inc. Geargiveer vanaf die oorspronklike op 13 Oktober 2010. Besoek op 16 April 2009.
- ↑ "iPhoto vir iOS nou beskikbaar op Toepwinkel vir $4.99" (in Engels). Idownloadblog.com. 7 Maart 2012. Geargiveer vanaf die oorspronklike op 27 Augustus 2019. Besoek op 16 Maart 2012.
- ↑ Dilger, Daniel Eran. "Nuwe iPhoto en iMovie-toeps kan handmatig gekopieer word na oorspronklike iPad" (in Engels). Geargiveer vanaf die oorspronklike op 11 Augustus 2019. Besoek op 22 April 2012.
- ↑ Dove, Jackie. "iPhoto weergawe 1.0 resensie" (in Engels). Geargiveer vanaf die oorspronklike op 21 Maart 2012. Besoek op 22 April 2012.
- ↑ Boehret, Katherine (13 Maart 2012). "Laat u vingers die fotoredigering doen" (in Engels). All Things Digital. Geargiveer vanaf die oorspronklike op 6 Julie 2019. Besoek op 16 Maart 2012.
- ↑ (en) Eerste bespreking van iPhoto 1, net na die vrystelling. Vorige draad is steeds onbewus.
- ↑ (en) 7 Januarie 2002 is iPhoto 1 gebundel met 10.1 en iMovie 2 is ook gebundel met 10.1. Geargiveer 22 April 2009 op Wayback Machine
Eksterne skakels
wysig
| Hierdie artikel is in sy geheel of gedeeltelik vanuit die Engelse Wikipedia vertaal. |
