Incheon Internasionale Lughawe
Incheon Internasionale Lughawe (IATA: ICN, ICAO: RKSI) (Koreaans: 인천 국제 공항) is die grootste lughawe in Suid-Korea, die primêre lughawe in diens van die Seoel Nasionale hoofstadgebied, en een van die grootste en besigste lughawens ter wêreld. Die Internasionale Lughaweraad het dit vir sewe jaar agtereenvolgens (2005-2012) as die beste lughawe in die wêreld aangewys.[2][3] Die lughawe het 'n gholfbaan, 'n spa, private slaapkamers, ysskaatsbaan, 'n kasino, binnenshuise tuine en 'n museum van die Koreaanse kultuur.
| Incheon Internasionale Lughawe 인천국제공항 仁川國際空港 Incheon Gukje Gonghang Inch'ŏn Kukche Konghang | |||
|---|---|---|---|
| IATA: ICN – ICAO: RKSI | |||
| Opsomming | |||
| Tipe lughawe | Openbaar | ||
| Eienaar | Regering van Suid-Korea | ||
| Operateur | Incheon International Airport Corporation | ||
| Bedien | Seoul Metro-gebied | ||
| Ligging | Jungdistrik, Incheon, Suid-Korea | ||
| Spil vir |
| ||
| Hoogte bo seevlak | 23 vt / 7 m | ||
| Webtuiste | |||
| Landkaart | |||
  ICN | |||
| Aanloopbane | |||
| Rigting | Lengte | Oppervlak | |
| vt | m | ||
| 15R/33L | 12 303 | 3 750 | Teer |
| 15L/33R | 12 303 | 3 750 | Teer |
| 16/34 | 13 123 | 4 000 | Teer |
| Helikopterblaaie | |||
| Aantal | Lengte | Oppervlak | |
| vt | m | ||
| H1 | 63 | 19 | Beton |
| Statistieke (2019) | |||
| Lugbewegings | 404 104 | ||
| Passasiers | 71 169 516 | ||
| Vrag tonnemaat | 2 764 369 | ||
| Statistiek van KAC[1] | |||
Die lughawebestuur beweer dat die gemiddelde vertrektyd slegs 19 minute duur (die wêreldwye bedryfsgemiddeld is 60 minute) en aankoms slegs 12 minute (gem. 45 minute wêreldwyd), dit maak dit een van die vinnigste lughawens in die wêreld vir doeaneverwerking.[2] Die belastingvrye winkelsentrum is ook deur "Business Traveler" as die wêreld se beste aangewys vir drie jaar agtereenvolgens in 2012.[4] Incheon Internasionale Lughawe beweer ook dat dit net 'n 0,0001% verkeerde-hanteringskoers vir bagasie het.[5]
Incheon Internasionale Lughawe is 48 km (30 myl) wes van Seoul, die hoofstad en grootste stad van Suid-Korea, geleë en is die belangrikste sentrum vir Korean Air, Asiana Airlines, Air Jeju en Polar Air Cargo. Die lughawe dien as 'n sentrum vir internasionale burgerlike lugvervoer en vragverkeer in Oos-Asië. Incheon Internasionale Lughawe is tans Asië se agtste besigste lughawe in terme van passasiersgetalle en die wêreld se vierde besigste lughawe vir vragverkeer. In 2019 het 71 169 516 passasiers die lughawe gebruik.[6]
Die lughawe het vroeg in 2001 vir besigheid geopen, deur die ouer Gimpo Internasionale Lughawe te vervang, wat nou meestal binnelandse bestemmings bedien asook pendelvlugte na alternatiewe lughawens in China, Japan en Taiwan.
Verwysings
wysig- ↑ "해당 월 통계자료는 익월 업무일 기준 5일 이후 공표" (in Koreaans). Geargiveer vanaf die oorspronklike op 20 Januarie 2019. Besoek op 20 Januarie 2019.
- ↑ 2,0 2,1 "Incheon International named Best Airport Worldwide 7 years in a row" (in Engels). Rus Tourism News. 21 Februarie 2012. Geargiveer vanaf die oorspronklike op 16 Oktober 2015. Besoek op 4 Julie 2013.
- ↑ "Airport Service Excellence Awards". ACI website (in Engels). 27 Februarie 2008. Geargiveer vanaf die oorspronklike op 3 Januarie 2012. Besoek op 24 September 2008.
- ↑ "인천공항 면세점, 3년연속 '세계 최고 면세점 선정' - Chosunbiz - 프리미엄 경제 파워" (in Koreaans). Biz.chosun.com. 1 Januarie 2013. Geargiveer vanaf die oorspronklike op 16 Oktober 2014. Besoek op 4 Julie 2013.
- ↑ "25 Reasons Incheon International Airport is the Best Airport in the World" (in Engels). Seulistic. 12 Julie 2012. Geargiveer vanaf die oorspronklike op 10 Desember 2018. Besoek op 29 April 2013.
- ↑ "ACI releases World Airport Traffic Report 2010" (PDF). 1 Augustus 2011. Besoek op 29 April 2013.
| Hierdie artikel is in sy geheel of gedeeltelik vanuit die Engelse Wikipedia vertaal. |
