Internasionale Dag van Menslike Ruimtevaart
Die Internasionale Dag van Menslike Ruimtevaart is die jaarlikse viering, gehou op 12 April, van die herdenking van die eerste menslike ruimtevlug deur Joeri Gagarin (USSR). Dit is geproklameer tydens die 65ste sitting van die Verenigde Nasies se Algemene Vergadering op 7 April 2011,[1] 'n paar dae voor die 50ste herdenking van die vlug.
.jpg)
Joeri Gagarin het die Wostok 1-sending in 1961 beman en een wentelbaan om die aarde voltooi oor 108 minute in die Wostok 3KA-ruimtetuig, gelanseer op 'n Wostok-K-vuurpyl vanaf Baikonoer kosmodroom in Kazakhstan, USSR.
In die Sowjetunie is 12 April sedert 1963 as Ruimtevaartdag herdenk, en word steeds in Rusland en sommige voormalige Sowjetstate gevier. "Yuri's Night", ook bekend as "World Space Party" is 'n internasionale viering wat in 2001 in die Verenigde State begin is, op die 40ste herdenking van Gagarin se vlug.
Op hierdie datum word ook die eerste pendeltuig-lansering, STS-1 van Columbia op 12 April 1981, presies 20 jaar na die eerste menslike ruimtevlug, herdenk.
Verwysings
wysig- ↑ "UN Resolution A/RES/65/271, The International Day of Human Space Flight (12 April)". 7 April 2011. Besoek op 26 Julie 2016.