Isak I van Ethiopië
Isak I (Ge'ez: ይሥሓቅ yisḥāḳ) was van 1414 tot 1429 keiser van Ethiopië. Sy troonnaam was Gabra Masqal II (ገብረ መስቀል gäbrä mäsḳäl). Hy was die tweede oudste seun van keiser Dawid I en lid van die Salomoniese Dinastie.
Geskiedenis
wysigIsak se bewind is gekenmerk deur ’n opstand van die Beta Israel. Die keiser het opgeruk na Wegera, waar hy die rebelle by Kossoge, sowat 30 km noord van Gondar, verslaan en die opstand beëindig het. Hy het die kerk Debre Yishak daar laat bou om sy oorwinning te vier.[1] Hy het ook ’n paar ander gebiede om Ethiopië verower.
Volgens die Islamitiese historikus al-Maqrizi het hy ’n groep Mamelukke gehuur om sy weermag op te lei in die gebruik van wapens en swaarde. Dit is die vroegste verwysing na vuurwapens (Arabies: naft) in Ethiopië.[2] Volgens al-Maqrizi het ’n ander Egiptiese besoeker, ’n Kopt, "die koninkryk gereorganiseer". Hy het baie rykdom vir die keiser versamel en die praktyk ingestel dat die keiser "manjifieke" klere en ’n kruis dra om hom tussen sy onderdane te laat uitstaan.[3]
George Wynn Brereton Huntingford skryf dit was ook in sy tyd dat die keisers opgehou het om vaste hoofstede te hê. Hulle howe was in die kampe wat hulle opgeslaan het terwyl hulle deur die land reis.[4]
Verwysings
wysig- ↑ James Bruce, Travels to Discover the Source of the Nile (1805-uitg.), vol. 3, p. 97
- ↑ Richard Pankhurst, "Linguistic and Cultural Data on the Penetration of Fire-Arms into Ethiopia", Journal of Ethiopian Studies, Vol. 9, No. 1 (1971), pp. 47–82.
- ↑ Richard Pankhurst, The Ethiopians: A History (Oxford: Blackwell, 1998), pp. 75f
- ↑ Huntingford, (vertaler en redakteur), The Glorious Victories of 'Amda Seyon King of Ethiopia (Oxford: Clarendon Press, 1965), p. 16 n.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
