Isla Grande de Tierra del Fuego
Isla Grande de Tierra del Fuego (Spaans vir: "Groot Vuurlandeiland"), die wêreld se 29ste grootste eiland en die grootste eiland van Suid-Amerika, beslaan 'n oppervlakte van 47 992 km², behoort tot die Vuurland-argipel wat verdeel is tussen die twee lande Argentinië en Chili en tot die streek van Patagonië behoort. Isla Grande de Tierra del Fuego beslaan meer as die helfte van Vuurland se oppervlakte. Die eiland word in die noorde deur die Straat van Magellaan van die vasteland geskei, grens in die weste aan die Stille Oseaan en in die ooste aan die Atlantiese Oseaan. In die noordooste is die Falkland-eilande, in die ooste Suid-Georgië en die Suidelike Sandwicheilande en in die suide is Antarktika saam met die Suidelike Orkneyeilande en die Suidelike Shetlandeilande geleë. Verder suid volg die Suidelike Oseaan en die Antarktiese Skiereiland.
| Isla Grande de Tierra del Fuego | |
|---|---|
 Nasa-Satellietbeeld van Isla Grande de Tierra del Fuego | |
| Geografie
| |
| Ligging | Argentinië en Chili, Atlantiese en Stille Oseaan |
| Koördinate | 53°51′S 68°34′W / 53.850°S 68.567°W |
| Argipel | Vuurland
|
| Oppervlakte | 47 992 vk km |
| Hoogste punt | Monte Shipton 2 580 m |
| Administrasie | |
 Argentinië
| |
| Provinsie |  Tierra del Fuego
|
| Hoofstad | Ushuaia |
| Grootste stad | Ushuaia (56 956)
|
 Chili
| |
| Streek |  Magallanes y la Antártica Chilena
|
| Hoofstad | Porvenir |
| Grootste stad | Porvenir (5 907)
|
| Demografie | |
| Bevolking | 135 000
|
| Die wêreld se 29ste grootste eiland en grootste eiland van Suid-Amerika | |
Isla Grande de Tierra del Fuego is in 1520 deur die Portugese ontdekkingsreisiger Ferdinand Magellaan tydens sy wêreldomwenteling vir Europa ontdek en na waargenome snagse ligte langs die kus genoem.
Die westelike deel van Isla Grande de Tierra del Fuego (61,4% of 29 484,7 km²) behoort aan die Chileense provinsies Tierra del Fuego en Antártica Chilena, terwyl die oostelike deel (38,6% of 18 507,3 km² aan die Argentynse provinsie Tierra del Fuego behoort. Dié opdeling bestaan sedert 1881, toe dit langs die lengtegraad 68° 36′ W verdeel is.
Eksterne skakels
wysig
Wikimedia Commons het meer media in die kategorie Isla Grande de Tierra del Fuego.
